Home Religion y Espiritualidad Bierna Santo por mira Caminda di Cruz Bibo 2019 bek na Telearuba

Bierna Santo por mira Caminda di Cruz Bibo 2019 bek na Telearuba

32
0
SHARE
- Advertisement -

ORANJESTAD (AAN) – E situacion durante e Siman Santo aki ta diferente compara cu antes.  E isla aki ta riba un Shelter-in-Place relaciona cu e crisis di Coronavirus.  Pa tal motibo, e aña aki e acostumbrado “Caminda di Cruz Bibo” door di pueblo di Dakota lo no tuma lugar.

Sinembargo, Gina Nuboer di e Comision Caminda di Cruz bibo a indica na DIARIO cu pueblo lo por re-biba esaki un biaha mas, danki na e cooperacion ricibi for di Telearuba.  Full e grabacion di aña pasa lo wordo ripiti Bierna Santo awor, for di 10:00 am na Telearuba.

Aña pasa, e Caminda di Cruz bibo a sali for di Misa La Birgen di Fatima, y a pasa den Mispelstraat, Macubaristraat, Apelsinastraat, Pindastraat, Mispelstraat y yega bek na Misa La Birgen di Fatima na unda tabatin e Crucifixion y Resureccion di Hesus.

PERSONAHENAN:  Esnan cu a actua den e Caminda di Cruz tabata Sergio Solognier como Jose di Arimatea, Pastor Jairo como Simon di Sirena, Fatme Rigaud como Mama Maria, Joally Lake como Maria Magdalena.

Julio Peralta a personifica Hesus.  Steve Geerman ta e persona cu ta hiba awa pa Pilato, y tambe actua como yiu di Veronica ora di laba cara di Hesus.  Lilian Albertus ta interpreta e señora cu ta sangra.

   MUSICA:

E canticanan a wordo interpreta pa Eltienne Yarzagaray.  E caminda di Cruz a wordo acompaña pa Massive Brassband. Sonido na encargo di Myron Dijkhoff.

Un gradicimento na tur esnan cu a yuda tras di cortina, Pastor Joseph Pelc y tambe Pader Szpila, pa tur e añanan cu el a duna su apoyo, entre nan Centro di Bario Dakota y ATHA, y e artistanan di make up Marietta Wanopa y Andrew Curiel.  Grupo Scout Casibari a habri e Caminda di Cruz.

Diabierna 10 di April pa 10:00 am, Caminda di Cruz Bibo di 2019 lo wordo ripiti na Telearuba.

- Advertisement -

DUNA COMENTARIO

Please enter your comment!
Please enter your name here