Home General Bad Bunny a saca cancion nobo encuanto cuarentena y su pareha ta...

Bad Bunny a saca cancion nobo encuanto cuarentena y su pareha ta canta cune

86
0
SHARE
- Advertisement -

ORANJESTAD (AAN): Un biaha mas e cantante Bad Bunny a pone hendenan cuminza papia, y awor cu un cancion nobo cu el a lanza unda e ta papia di e Coronavirus y e cuarentena, pero lo mas sorprendente ta cu den e cancion su pareha Gabriela Berlingeri tambe ta canta.

E cancion nobo ta “En Casita”, y aki e ta conta e storia di un pareha cu no por mira otro debi na e crisis mundial y cu tur hende a wordo exigi pa mantene nan mes den cas pa evita di plama e virus di Coronavirus.  E ta finaliza ta papia cu te ora cu e cuarentena finaliza, e ora nan por mira otro di nobo.

Ta via si cu Twitter y Instagram cu Bad Bunny a comparti un link di SoundCloud unda por scucha e cancion sin edit.  E artista a bisa cu e cancion aki ta un basilon cu el a graba cu e Voicenotes di iPhone.  Asina el a sigui improvisa.  E no ta un cancion cu el a skirbi nada.

Den menos di un dia, e cancion a haya mas di 600.000 playback, y mas di 23 mil like riba e plataforma di musica.

 

- Advertisement -

DUNA COMENTARIO

Please enter your comment!
Please enter your name here