Home Coronavirus “Aworaki e trabao ta pa wak si e plasma ta traha di...

“Aworaki e trabao ta pa wak si e plasma ta traha di un manera efectivo”

248
0
SHARE
- Advertisement -

Dr. Choudhry relaciona cu investigacion riba pashentnan cu Covid-19

ORANJESTAD (AAN):  Specialista Dr. Choundhry, cu ta traha na Dr. Horacio Oduber Hospital como Nefrologo, Internista y Inmunologo a duna conoce cu ta bay inicia cu un investigacion cu yama ARUCOVID Trial.

El a remarca cu e idea aki no ta algo nobo ya cu den pasado a haci varios test ora cu varios otro epidemia a presenta manera Influenza, SARS, MERS. Den e casonan aki, uzo di plasma a resulta efectivo y awor e idea ta cu e por ta efectivo atrobe.

Na China, Suiza y Merca a haci 20 tratamento caba cu plasma y den nan exigencianan el a traha basta bon.

E doctor a indica cu aworaki nan trabao ta pa wak si e plasma ta traha di un manera efectivo y bon den e virus nobo. Esaki ta locual ta bay investiga. Ta trata di un investigacion, a enfatiza.

Doctor Choundhry a laga sa cu pa realisa esaki mester di donantenan y ta buscando personanan (hende homber) cu a recupera pa duna nan plasma na Bloed Bank.

Pa basta aña caba Bloed Bank ta trahando cu un protocol pa atende cu e donacion di sanger. E boluntarionan ta pasa den un proceso di screening pa na prome lugar por bira donante. Asina cu haya sa cu e sanger ta den perfecto estado, e ora e sanger ey por keda na disposicion pa uzo di pashentnan cu mester di transfusion.

Tin tres aña caba cu Bloed Bank ta trahando di un manera basta eficiente den loke ta e separacion di e plasma for di e sanger.

E medico a laga sa cu te ainda no tin evidencia cu e tratamento aki ta efectivo den e caso di Covid-19, pero e investigacion aki lo bay wak si esey ta e caso.

DONANTENAN:

Ta buscando hende hombernan cu a haya un coronavirus confirma cu un test. No ta busca hende muher pasobra ora cu hende muher a haya un baby, por ehempel of tabata tin un perdida, por ta tin anti curpanan malo y ta bira un tiki fastioso pa traha cu e plasma di hende muher, a splica.

“Mi ta hopi orguyoso cu nos por cuminsa cu e investigacion aki na Aruba. Otro paisnan a comunica cu mi caba. Pero e mensahe ta laga nos bay dilanti. Laga nos traha hunto. Nos no mag tin miedo. Ora nos ta bay dilanti sin duda nos no ta bay perde”.

Cu e investigacion aki den busca di e remedi por combati e virus y triunfa den e lucha aki contra Covid-19, Dr. Choudrhy a finalisa bisando.

 

 

- Advertisement -

DUNA COMENTARIO

Please enter your comment!
Please enter your name here