Home arte y espectaculo Ataniro hunto cu Cesar Olarte a lanza un video clip cu e...

Ataniro hunto cu Cesar Olarte a lanza un video clip cu e artista Cubano Yoyo Ibarra

113
0
SHARE
- Advertisement -

ORANJESTAD (AAN)- E artistanan di Aruba Cesar Olarte y Ataniro a realisa un video clip dirigi pa David Wever cu un di artista nan mas popular di Cuba actualmente.

E hoben Cubano, Yoyo Ibarra, a keda reconoci como un di e artista nan di mas

prominente di Cuba pa Billboard Latino, un di e influente nan di mas grandi den musica

latina ta skirbi – esta Leila Cobo.

Su tema anterior, Quedate , a ocupa e posicion #1 pa 14 siman den e lista nan mas

prominente di Cuba. Mester menciona tambe cu e video clip “Quedate” a wordo

nomina pa e mihor video di ana Y tambe tawata bao di encargo di David Wever.

David Wever

Den un entrevista cu David Wever, e la conta cu ora e la traha cu Yoyo na New York na

comienso di 2019 e la bisa Yoyo cu lo ta bon pa e bishita su isla natal mirando cu Cuba y

Aruba tin hopi en comun. David na su turno na Aruba a crece ta admira Ataniro cu Cesar

Olarte, y na Januari 2020 e oportunidad a aparece ora Yoyo Ibarra tawata di paseo na

Aruba anto a dicidi di realisa e produccion nobo hunto cu nan.

Wever a percura pa e direccion creativo di e video clip “Pa’Mi” Conhuntamente cu un

equipo impresionante e la pone e produccion aki riba pia den un tempo record back den

januari.

Ataniro

Ataniro ta bin ta profila su mas di 25 aña den farandula na Aruba, Curacao, Boneiro,

Hulanda y mas pais nan.

E produccion nobo “PA MI”, ta un produccion musical bou direccion di Jonathan Vieira.

E tema ta un fusion di e estilo unico caribense cu Ataniro so por trece cu ne hunto cu e

musica na estilo di poesia di Yoyo Ibarra. E ta pionero den musica popular na Aruba y ta

un forsa constante y formidable den nos comunidad. Ademas di esaki e la trece su

experienca na mesa cu a pone cu Yoyo Ibarra a sugeri pa nan usa e idioma papiamento

den e cancion.

Cesar Olarte

Cesar Olarte, un cantante cu no mester di introduccion, un di e mihor voz nan cu Aruba

a produci den su historia cu tambe ta marcando paso pa subi riba tereno internacional

un biaha mas. Nos por corda Cesar a hiba Aruba su nomber hopi halto na varios país na

unda cu su voz único a percura pa entre otro e bira ganador di un Latin Grammy. Cesar

Olarte ta conoci pa ta un cantante versatil cu por interpreta diferente ritmo y genero di

musica. For di su comienzo como un mucha homber chikito te cu awe na unda e y su

famia henter ta musiconan y cantantenan hopi abil y reconoci. Cesar tambe ta un di e

cantantenan cu lo profila den e producción di Yoyo Ibarra cu su voz unico cu un biaha

mas ta capta e atencion di e publico internacional.

E video clip a wordo lansa Diahuebs 9 di april, 2020 pa 10 di mainta via YouTube.

YouTube:

https://www.youtube.com/watch?v=ga5zY7eU6KI&feature=youtu.be

- Advertisement -

DUNA COMENTARIO

Please enter your comment!
Please enter your name here