Home General Asina Hotelnan ta sigui expresa mensahe di speranza anochi cu e luznan...

Asina Hotelnan ta sigui expresa mensahe di speranza anochi cu e luznan di camber

118
0
SHARE
- Advertisement -

ORANJESTAD (AAN): Rond mundo e viahamento pa negoshi y tambe pa placer a stop completamente relaciona cu e pandemia global di Coronavirus.  Pesey Hotelnan rond di mundo a cera nan porta, of ta habri djis parcialmente ainda pa yuda cu algun huesped cu ta kedando cerca nan.  Esey ta demostra cu no ta tur di nan a paga tur luz y cera.

Hotelnan na Merca ta calculando cu pa dia, nan tur hunto ta perdiendo como $500 miyon den ganashi pa medio di entrada.  Na Merca so, casi 4 miyon trahador a bay cas, y kizas lo wordo kita den e siguiente simannan.

Covid-19 ta hopi devastador pa e industria hotelero.  Pero e industria aki ta cla pa lanta para y lo purba di haci loke nan por pa sobrevivi den e crisis sin precedente aki, y alavez construi un fundacion pa un mañan mas fuerte.

No obstante e situacion devastador, Hotelnan rond mundo a cuminza cende cierto luz di camber anochi, cu ora bo ta mira nan di leu, nan ta forma mensahe di speranza y curashi.  Sea cu e iluminacionnan ta den forma di un curazon, of ta forma e palabranan ‘love’ of tambe ‘hope’, nan ta un intento pa comparti un tiki positivismo durante e tempo yen di reto aki.

Riba e potretnan por mira con e.o. e hotel Crowne Plaza na Belgrado (Serbia) a skirbi e palabra LOVE usando luznan den nan camber.  Tambe con The Venetian na Las Vegas cu a cera temporalmente, pero a laga e mensahe di amor briya via luznan cendi den algun camber.

Tambe por mira potret di e curazon cu Holiday Inn Resort na Aruba a forma den su cambernan, pa asina mustra nan compasion pa cu e situacion actual.  Potret pa cortesia di IHG.

 

- Advertisement -

DUNA COMENTARIO

Please enter your comment!
Please enter your name here