Home Religion y Espiritualidad Aruba ta na caminda pa celebracion di Semana Santa, cu e aña...

Aruba ta na caminda pa celebracion di Semana Santa, cu e aña aki ta diferente pa motibo di COVID-19.

31
0
SHARE
- Advertisement -

DIARIO for di awe lo presenta un oracion diario pa asina hunto nos por forma un cadena, pa pidi nos Tata Todopoderoso guia nos y yuda nos Aruba y henter mundo.

—————————————————————————————————-

Tata Santo, Dios Todopoderoso,

como un solo pueblo nos ta yega cerca bo.

Den bo infinito bondad, bo a crea Aruba.

Bo a crea un pueblo cu bo a reuni di henter mundo.

Bo a marca nos cu fe pa sigui dilanti.

Awe Aruba y henter mundo ta den problema grandi.

Nos a perde control riba mundo, riba nos futuro.

Nos bida normal a wordo interumpi dor di malesa.

Nos a perde nos libertad pa reuni den oracion den Misa.

Awe pa medio di e oracion aki nos ta reuni bo dilanti.

Pa Abo no tin distancia, ni limitacion.

Nos kier entrega Bo nos Aruba, nos mundo.

Nos yiunan cu no por bay school y e soledad di grandinan.

Nos ta entrega bo e pan di cada dia di trahadonan na cas.

Nos ta entrega bo porvenir di negoshinan cera sin entrada.

Nos ta entrega bo nos profesionalnan cu mester traha.

Nos ta entrega bo nos gobierno cu mester dicidi pa nos.

Nos ta entrega bo nos curason yen di duda, dolor y hasta miedo.

Nos ta busca Bo forsa, Bo yudansa, Bo amor.

Nos ta suplica Bo bon Dios, bendiciona nos Aruba y mundo.

Den e temporada cu ta hiba nos na Resureccion di Hesus,

recrea nos, reconstrui nos pais, nos bida, nos mundo.

Mustra nos e Luz di Resureccion cu Hesus a logra pa nos.

Duna nos e Fe pa den oracion, haya e consuelo cu nos mester.

Hunto cu Hesus y den Hesus na e momentonan dificil aki,

nos ta sclama: “Tata den Bo man nos ta pone futuro”.

Manda nos Bo Spirito Santo y yena nos cu Bo Sabiduria

pa pronto nos Aruba Dushi Tera por sigui dilanti den alegria.

- Advertisement -

DUNA COMENTARIO

Please enter your comment!
Please enter your name here