Aruba por yega 100 caso den algun dia!

    3276
    0
    SHARE
    - Advertisement -

    Ayera COVID-19 tabata yega total di Un Miyon y Mey caso

    *Un  peliger grandi di Covid-19 pa pashent cu otro malesa

    *Aruba y Sint Maarten a bira islanan di preocupacion grandi 

    ORANJESTAD(AAN)– Mientras Covid-19 tabata avansa rapidamente na mundo, sector medico internacional tabata confronta un problema serio.

    For di momento cu e coronavirus nobo a bira un pandemia cu tabata placa rond mundo, atencion a wordo kita for di normalidad den mundo medico cu e resultado cu cambionan grandi a surgi den tur ramo pa prioridadnan medico.

    Prome cu e coronavirus a haci su entrada, dokternan tabata mantene un regulacion pa atende pashentnan cu tabata preveni enfermedadnan dor di control regular. A base di e situacion di emergencia cu a surgi rond mudo, e bishita na dokter, laboratorio y hasta specialista, a baha considerablemente cerca pashentnan cu tabata wordo atendi.

    E problema no ta solamente pa Aruba, pero pa henter mundo cu no tabata prepara pa e pandemia cu no solamente ta exigi cuido normal pero cu ta exigi cuido intensivo na momento cu e pashent empeora.

    Rond mundo pa basta dia e prome atencion ta e coronavirus nobo pero awor profesionalnan medico tin preocupacion grandi pa nan otro pashentnan cu no ta haya e atencion cu nan tabata haya.

    Pa evita cu e malesa ta plama hasta ta pidi pashentnan pa no acudi sin mas na dokternan y henter e sistema di atende pashent a cambia cu resultado pa e pashent.

    Tin preocupacion serio pa pashentnan cu enfermedadnan cu ta sumamente peligroso si nan no haya e atencion cu nan mester haya.

    Den sector medico mundial bosnan ta lanta pa cuminsa yega na un sistema cu ta permiti mas atencion pa pashentnan cu a keda riba lista di espera.

    Por nota na Aruba con e ocupacion den hospital ta crece cu e pashentnan cu coronavirus, mientras e cifra di casonan positivo na Aruba ta motibo pa bati alarma grandi.

    Den e cifranan cu awe DIARIO ta presenta, por mira con Aruba a alcansa (prome cu e cantidad di caso a sigui subi mas laat merdia) un indice di 693 caso positivo di coronavirus riba un poblacion di Un Miyon habitante.

    Esaki ta di acuerdo cu advertencianan di DIARIO riba e forma cu e cifra lo sigui subi a base i e posibilidad di infeccion na medida cu e enfermedad ta propaga.

    Mientrastanto den Reino tin hopi atencion pa e situacion na Sint Maarten caminda ya 6 morto a wordo registra na e parti Hulandes mientras cu na e parti Frances a registra 2 morto.

    Mester bisa cu na e parti Frances, gobierno di Francia a aplica un shelter in place prome cu gobierno di e parti Hulandes di Sint Maarten a haci esaki. Ayera na Sint Maarten y na San Martin hunto tabata tin 40 y 32 caso registra, cu ta 72 loke ta sumamente halto.

    DIARIO den e proximo dianan lo sigui informa Aruba pa medio di internet y Facebook.

    - Advertisement -

    DUNA COMENTARIO

    Please enter your comment!
    Please enter your name here