Home Religion y Espiritualidad Aruba drentando temporada di Siman Santo

Aruba drentando temporada di Siman Santo

26
0
SHARE
- Advertisement -

ORANJESTAD (AAN): For di p. Andres Makowiec, kende ta Vicario Episcopal di Aruba, a haya e mensahe aki.

Rumannan den Cristo, nos ta drentando e temporada di Semana Santa. Dianan pa refleha e pasion, morto y resureccion di nos Señor Hesus. Diadomingo di Rama ta duna inicio na e siman santo y e aña aki nos lo celebr’e na un manera sobrio.

Mirando cu nos no por asisti na misa, mi ta pidi boso cada un como fiel catolico di henter pueblo di Aruba demostra bo(so) compromiso y solidarismo cu Hesus sufriente y nos pueblo sufriente door di pone riba porta di bo cas, un rama of cruz traha di rama.

Despues pone e imagen ey riba bo pagina di Facebook pa asina demostra bo comunion cu henter Iglesia. E idea aki ta worde promovi tambe pa otro paisnan.

Laga nos dorna nos porta di cas cu e rama mescos cu e Israelitanan a marca nan porta di cas cu e sanger di e lamchi pa nan liberacion for di sclabitud.

Den momentonan aki laga nos implora riba Dios Su misericordia y pid’E pa libera Aruba di efectonan cu e virus ta trece, pa medio di e sanger cu Hesus a drama pa nos.

Ban biba e siman aki uni cu Hesus den su pasion y morto, pa despues participa den Su victoria. Mi ta desea un y tur un Siman Santo den comunion cu Hesus nos Salbador.

 

- Advertisement -

DUNA COMENTARIO

Please enter your comment!
Please enter your name here