Home Gobierno Aruba ainda ta den deliberacion cu Hulanda pa asistencia financiero grandi

Aruba ainda ta den deliberacion cu Hulanda pa asistencia financiero grandi

63
0
SHARE
- Advertisement -

Prome Minister:

ORANJESTAD  (AAN): Prome Minister Evelyn Wever Croes Diaranzon durante e conferencia di prensa di Gobierno di tur anochi a papia riba con Gobierno di Aruba ta atende cu e tema financiero, mirando e situacion di crisis  relaciona cu Coronavirus.

El a splica cu e presupuesto pa permiti Gobierno presta un cantidad di placa usualmente riba e mercado Mericano, pa asina por paga e deficitnan cu pais Aruba tabata tin den pasado y pa paga e debenan cu ta bay caduca.

“Aprobacion di e fianza ey nos a haya di Hulanda awe y minister di Finanzas ta bezig cu Merca pa haya e placa aki pa paga e debenan cu ta bay caduca y algun di e gastonan mas urgent cu nos tin cu bay paga den e siguiente dianan”.

“Pa loke ta e parti grandi mes, esta e deficit den nos presupuesto di 1.3 biyon florin debi na e impacto di e crisis aki di Coronavirus, nos a haci algun proposicion pa hunto cu Hulanda e ora ey bay busca e prestamo riba mercado internacional”, segun e mandatario.

El a sigui bisa cu ainda no a haya ningun contesta riba esey.

Segun Prome Minister, CAft kier haci un analisis prome y esey nan ta haciendo aworaki.

CAft por ta cla cu e analisis aki dentro di alrededor di dos siman.

- Advertisement -

DUNA COMENTARIO

Please enter your comment!
Please enter your name here