Home Gobierno Apesar cu fronteranan ta cera, tin algun excepcion

Apesar cu fronteranan ta cera, tin algun excepcion

130
0
SHARE
- Advertisement -

Prome Minister:

ORANJESTAD(AAN): Prome Minister Evelyn Wever Croes a reacciona Dialuna anochi riba e hecho cu tin un avion cu a trece pasaheronan pa Aruba, siendo cu e frontera ta cera.

Segun Prome Minister, apesar cu a cera frontera, tin cierto excepcion cu ta wordo duna door di e minister encarga.

El a splica cu avionnan di carga lo sigui baha na Aruba y tin avionnan cu ta bin busca hendenan cu ta pega na Aruba.

“Si ta posibel, den e cierto casonan di excepcion lo purba trece residentenan di Aruba bek, contal cu no ta un riesgo pa salud publico”.

Esaki segun Wever Croes, kende a splica cu e pasaheronan cu a bin Aruba Diadomingo ta residentenan di Aruba cu a bin for di Suriname.

Ta despues cu tur e esfuerzonan pa trece nan bek pa Aruba prome cu 26 di Maart no a duna resultado, awor a logra pa nan bin bek Aruba.

Esaki tabata despues cu Hulanda a percura pa e vuelo aki pa su ciudadanonan.

“Tur e hendenan cu a bin bek a bay den cuarentena y nos ta confia cu nan lo cumpli cu e exigencianan”.

“Pues apesar cu fronteranan ta cera y nos tin un paro na pasaheronan cu ta drenta nos pais, nos lo purba caminda cu por, pa yuda residentenan bin bek of purba yuda nan pasa e tempo den exterior mihor posibel”.

“Na fin di dia nos residentenan ta keda nos responsabilidad”.

“Mi no ta kere cu nos lo logra trece tur bek y mi no kier duna e speranza ey tampoco, pero nos ta sigui haci locual cu nos por haci”, segun e mandatario.

- Advertisement -

DUNA COMENTARIO

Please enter your comment!
Please enter your name here