Home Gobierno Ainda tin espacio pa amplia e lista di establecimentonan no esencial si...

Ainda tin espacio pa amplia e lista di establecimentonan no esencial si pueblo no cumpli cu Shelter in Place

87
0
SHARE
- Advertisement -

Wever-Croes:

ORANJESTAD (AAN):  Tin hende den comunidad cu tin e duda relaciona cu e echo di pakico si e casonan ta sigui aumenta, pakico e medidanan no ta wordo aumenta?

Relaciona cu e incertidumbre aki, Prome Minister Evelyn Wever-Croes a splica cu gobierno ta sinti cu e medidanan cu ta bin implementando cu ta casi 20 medida ta medidanan cu ta bay hopi leu y cu ta hopi drastico.

Asina mes tin algun persona cu ta haya cu gobierno a tuma algun medida hopi drastico mucho tempran. Pa aworaki bay na mas medida lo mester tin un otro impresion of otro informacion cu por pone cu e situacion ta escala.

E mandatario a señala cu te cu diadomingo tabata tin 2 pa 3 crecimento pa dia por atende y por sigui cu esaki cu tur e capacidad  cu Aruba tin. “Na e momento aki no tin e necesidad pa aumenta e medidanan mas ainda”.

Aruba ta hopi leu di e medidanan compara cu varios pais. Tin un lockdown completo di pasaheronan cu no por drenta Aruba mas. Tin e toque de queda anochi y ta prome biaha cu Aruba ta mira esaki den hopi aña.

Tambe tin shelter in place cu ta prome biaha cu Aruba tin’e tambe. Esaki ta cosnan cu gobierno ta considera cu ta bay hopi leu. Tin hopi hende cu no ta custuma cune ainda. Tin hopi pa mehora den dje y den cada un di e medidanan aki tin mas espacio pa cera e posibilidad pa hendenan ta ariba caya.

Pa loke ta shelter in place a publica un lista di loke no ta esencial. Ainda por amplia e lista aki mas y mas. Cera mas establecimento pa evita cu mas hende ta ariba caya, prome cu dicidi di bin cu otro tipo di medida cu ta hopi mas drastico, Wever-Croes a remarca.

- Advertisement -

DUNA COMENTARIO

Please enter your comment!
Please enter your name here