Home Gobierno A palabra cu Hulanda e ayudo cu 12 cama pa ICU, personal,...

A palabra cu Hulanda e ayudo cu 12 cama pa ICU, personal, medicamento y mashinnan pa hala rosea

46
0
SHARE
- Advertisement -

Minister Dangui Oduber ta confirma ayudo di Hulanda:

ORANJESTAD (AAN): Dangui Oduber, Minister di Salud a laga sa cu e strategia cu Ministerio di Salud ta hibando pa maneha e situacion di COVID-19 na un mihor forma posibel.

El a bisa cu e strategia ta dirigi na ‘flatten the curve’ y haci mas y mas test. Identifica e personanan cu positivo na un manera mas tempran. Isola nan, y haci e ‘contact tracing’ cu ta hopi importante.

E tarea di gobierno ta pa crea e condicionnan pa un dia cuminsa bay bek na normalidad  y hibando e strategia aki kier purba yega un dia bek na e meta ey, a remarca.

Pesey ta importante pa expande e capacidad na Hospital. Pa logra esaki a haci un peticion special na Gobierno di Hulanda pa asina expande e cantidad di camanan di Intensive Care (Cuido Intensivo), pa busca mas personal, pa mas medicamento y tambe pa busca mas ‘ventilators’ (mashin pa hala rosea) necesario.

Siman pasa diahuebs, den un conferencia hunto cu e ministernan di Corsow, Sint Maarten y Hulanda a yega na un palabracion concreto cu Hulanda lo yuda Aruba cu 12 cama di ICU, cu personal, medicamento y tambe ‘ventilators’, a indica.

Cu esaki Aruba ta preparando na e mihor forma posibel y e strategia no ta pa ‘build up groepsimmuniteit’. “No ta nos strategia pasobra nos a tuma diferente medida caba pa evita cu e malesa aki ta sigui plama”.

Kier pa comunidad sigui e instruccionnan cu ta wordo duna, Minister Oduber a enfatiza.

 

- Advertisement -

DUNA COMENTARIO

Please enter your comment!
Please enter your name here