Home Parlamento A limita responsabilidad completamente pa hasi cualkier claim changando e double 6

A limita responsabilidad completamente pa hasi cualkier claim changando e double 6

131
0
SHARE
- Advertisement -

Parlamentario Endy Croes: Art 16.3 den e contract cu Citgo

ORANJESTAD (AAN): Parlamentario Endy Croes ta continua cu e ronda pa brinda splicasion riba e contracto di Citgo.

Primordialmente como cu e Ley aki ta na Parlamento pa wordo trata den e dianan of siman nos dilanti unda Parlamento lo mester aproba un Ley unda lo apodera pa 3 ministers esta Minister President, Minister di Financien y Minister di Infrastructura pa firma e “Termination Agreement” pa por sali finalmente na un forma legal for di e deal cu Citgo.

    Gobierno anterior a mara Aruba na man cu pia den art 16.3 di e DPA:

Parlamentario Endy Croes kier mustra awe con gobierno anterior a mara Aruba na man cu pia cu e contracto cu nan a firma 10 di Juni 2016 esta e Definitive Participation Agreement ( DPA).

Den e contracto aki gobierno a acepta artikel 16.3 cual nos lo amplia akirato riba dije. Den un otro documento cu gobierno anterior a firma almismo momento nan a ripiti lokual ta para den artikel 16.3 tambe den e documento aki.

Den e Refinery Lease Agreement ( RLA) bou artikel 19.3 gobierno a laga ancra e mesun artikel 16.3 di e contract principal den esaki tambe. Criyoyo bisa a “changa double 6”. No ta comprendible pakiko a hasi esaki y siguientemente lo spika e artikel aki.

    Artikel 16.3 ( DPA) y Artikel 19.3 (RLA): Limitation on Liability  

Artikel 16.3 di e Definitive  Participation Agreement (DPA) y artikel 19.3 di e Refinery Lease Agreement (RLA) ta identico y a wordo ripiti pa garantiza cu Aruba no por efectua ningun claim.

“ Ningun partido tin e derecho sea indirecto, incidental of di mal intension pa hasi cualkier “claim” riba incumplimento di e contract of usa cualkier otro theoria al respecto rersponsabilidad cu por existi relaciona cu e acuerdo aki esta Aruba Project. Partidonan ta renucia, libera y ta acorda cu no lo demanda of persigui otro pa tal indole.”

Parlamentario Endy Croes ta splica ta masha hopi passages tin den e contracto aki cu ta lanta masha hopi duda den esnan cu a negosha y firma e contracto aki lo no por tabata tin Aruba na pecho. Awe ta ilustra solamente  dos artikel identico den dos diferente contractonan firma pa Gobierno y RDA cu CITGO yegando na acuerdo mutuo cu no lo “claim” otro den cualkier incumplimento.

Strañami con Mike de Meza, Richard Arends y Marlon Sneek ta grita pa no exonera CITGO pero kier pa claim CITGO y bringe 5 aña den corte internacional mientras nan mes a firma basta trampa pa Aruba den e contractonan aki.

Di Marlon Sneek nos ta compronde su kennis riba e materia ta hopi limita pero pa Mike Eman, Mike de Meza y  Richard Arends nos a expect un trato fair y na fabor di e pueblo cual lamentablemente no tabata asina.

 

- Advertisement -

DUNA COMENTARIO

Please enter your comment!
Please enter your name here