Home Gobierno 20.1% di e casonan confirma ta e grupo di personanan mas vulnerabel...

20.1% di e casonan confirma ta e grupo di personanan mas vulnerabel of di mas di 60 aña

65
0
SHARE
- Advertisement -

Cifranan ta mustra cu:

ORANJESTAD (AAN):  Den e conferencia di prensa di Diaranzon anochi, Prome Minister Evelyn Wever-Croes a reconfirma cu Aruba a keda na e cantidad di 55 caso di Coronavirus.

El a reitera cu e strategia cu ta ehecutando di haci mas test cu ta posibel ta dunando su resultado. E cifra di 55 ta halto, a bisa, sinembargo e bon noticia ta cu tin

Te na e momentonan ey tabata tin 737 test cu a wordo haci mas di 700 persona u a wordo getest caba. Ta test mas hopi persona cu ta posibel pa detecta e persona cu por tin e virus mas tempran cu ta posibel pa e no sigui plam’e pa otronan, e mandatario a remarca.

Evelyn Wever-Croes a trece dilanti algun cifra importante cu Departamento di Salud a compila.

Te cu 31 de maart, 2020, Aruba a conoce un total de 55 caso de coronavirus. 54 di nan ta casonan cu ta wordo considera activo ainda y un persona cu a recupera caba.

E porcentahe di edad di esnan cu a sali positivo ta asina:

10-14 aña: 3.6%

20-24 aña: 5.5%

25-29 aña: 10.9%

30-34 aña: 16.4%

35-39 aña: 10.9%

40-44 aña: 7.3%

45-49 aña: 7.3%

50-54 aña: 10.9%

55-59 aña: 7.3%

E mandatario a sigui splica cu esaki ta mustra cu 20.1% di tur e casonan confirma ta e grupo di personanan mas vulnerabel of di mas di 60 aña.

Otro dato importante ta cu na Aruba, tin mas hende homber (53%) cu hende muhe (47%) infecta cu e virus.

Tambe por constata cu 46.2% di esnan infecta ta bin di esnan cu ta traha den e area di Hospitalidad (28.2%) y den cuido medico (25.6%). Un 46.2% ta cay den otro sectornan.

E sintomanan mas comun den e 55 personanan cu a contrae e virus, ta tosamento seco (59.2), keintura (55.1%) , dolor di cabes (38.8) y problema cu halamento di rosea (21%) banda d dolor di garganta cu mesun porcentahe. Otro sintomanan ta diarea, dolor di curpa, verkoud, fatiga, anosmia (perdida di olfato) y sacamento.

Di e casonan na Aruba, 53.1% no tin historia di viahe mientras cu 28.6% a viaha y 18.4% no ta conoci  ta den investigacion. 95.1% di nan ta residente y 4.9%  ta bishitante, Premier Wever-Croes a indica.

E meta di comparti e informacion aki ta pa comunidad sinti mas confortabel di kico tur ta sosodiendo y pa ta mas realistico y realiza cu e virus aki no ta discrimina den edad. E edad mas hoben ta 11 aña y esun mas grandi ta 74 aña te cu awor.

 

- Advertisement -

DUNA COMENTARIO

Please enter your comment!
Please enter your name here