Home Bites Wind Creek Casinos a regala un Ford Ranger Pickup 2020

Wind Creek Casinos a regala un Ford Ranger Pickup 2020

171
0
SHARE
- Advertisement -

Exitoso campaña di CAR-nival Ride a culmina

ORANJESTAD (AAN): E campaña di Wind Creek Casinos ‘CAR-nival Ride’ a culmina den un gran fiesta carnavalesco entregando asina e premio grandi di un Ford Ranger Pickup 2020.

E felis ganador di e Ford Ranger tabata Sr. Perez Arias kende conhunto cu otro 8 ganador a participa pa e gran premio aki. Un total di $9000 cash a ser reparti entre e otro ganadornan.

For di momento cu Wind Creek Casinos a anuncia cu lo bai regala un otro auto, e interes pa hunga na Wind Creek Casinos a crece y asina e campaña di ‘CAR-nival Ride’ a resulta den un campaña exitoso.

Clientenan di Wind Creek Casinos por a hunga y acumula punto pa asina cambia esaki den un ticket pa participa den e campaña. Un campaña cu a start 17 di Januari te cu 1 di Maart regalando asina un Ford Ranger Pickup 2020 mas $9000 cash na premio.

E clientenan di Wind Creek Casinos cu a hunga riba diabierna y diasabra por a ricibi un ticket pa cada 150 punto acumula. Tur ticket mester tabata den e tombola pa 6’or di atardi riba 1 di Maart.

Den un Renaissance Convention Center completamente yen a saca e 9 ganadornan cu a participa pa wak kende lo bai cas cu su pickup nobo nobo. Na final di e anochi cada ganador a ricibi un evnvelope; 8 di nan cu premio cash y un solo envelope cu e grand premio di e Ford Ranger Pickup 2020.

For di un tombola yen cu tickets, e mannan di casino managers Igidio Wernet y Haidi Dijkhoff a saca e 9 ganadornan.

Entre 8 ganador a reparti e suma total di $9000 y Sr. Perez Arias a bira e ganador di e pickup. Despues a sigui un celebracion carnavalesco pa gradici tur esnan cu a participa na e gran campaña aki. Masha Pabien!

Wind Creek Rewards

Ta invita tur hende pa bishita e Player Services y registra pa e Wind Creek Rewards program. Como miembro di e Wind Creek Rewards Program bo ta haña e oportunidad pa acumula y spaar punto hungando den ambos casino pero awor tambe por acumula y spaar punto hungando online riba www.windcreekcasino.com.

Wind Creek Casinos ta ofrece e programa di beneficio mas generoso na Aruba. Wind Creek Crystal Casino ta habri 24-ora pa dia y Wind Creek Seaport Casino ta habri di 10’or di mainta te cu 4’or di marduga. Pa mas informacion, bishita nos pagina di Facebook; www.facebook.com/CrystalSeaportCasino/ of website; www.windcreekaruba.com

- Advertisement -

DUNA COMENTARIO

Please enter your comment!
Please enter your name here