Home Hudicial Venezuela a detene 4 Curasoleño pa contrabando di gasolin

Venezuela a detene 4 Curasoleño pa contrabando di gasolin

3385
0
SHARE
— Esaki ta potret di e detenidonan.
- Advertisement -

ORANJESTAD (AAN): Autoridadnan Venezolano a actua rapido, y a logra di intercepta y stop un accion di contrabando di gasolin den nan awanan teritorial dilanti costa di estado Falcon.

Policia Nacional Bolivariana a intercepta dos boto procedente di Curaçao, y den e accion aki a detene cuatro Curasoleño di nacionalidad Hulandes, y un homber Venezolano.  Esaki pa a viola ley aquatico pa contrabando di gasolin.

— Un di e botonan confisca.

E botonan a wordo intercepta na 10 miya nautico for di Parque Nacional Morrocoy na Tucacas, municipio Silva.  Un di e botonan ta Alaika Curaçao cu registro NC-195.  E otro tambe ta un velero y ta Elsa Curaçao cu registro NC-275.

Abordo di e botonan aki, autoridad a confisca como 10 bari di 60 liter cada uno di gasolin, pa un total di 600 liter.

E Venezolano tambe a keda deteni, y nan a identifike como Wolfgang Alcides Zavala Martinez di 50 aña di edad.  E Curasoleñonan ta David Jason González di 19 aña, Naoki Ashaninko Rodrigo di 26 aña, Evelio Juan Ezequiel di 49 aña, y Genaro Antonio Thodé di 62 aña.  Awor nan a ser pasa den man di Fiscal pa wordo procesa.

E dianan aki debi na e crisis di Coronavirus, tin hopi sesion di Corte di Husticia y di Huez cu ta suspendi, pues nan lo bay dura basta tempo prome cu nan wordo procesa completamente door di e sistema hudicial Venezolano.

 

- Advertisement -

DUNA COMENTARIO

Please enter your comment!
Please enter your name here