Home Cultura Trahando un mihor heki pa pone rond di Forno di Kalki

Trahando un mihor heki pa pone rond di Forno di Kalki

78
0
SHARE
- Advertisement -

ORANJESTAD (AAN): Por a nota cu e trabaonan final pa e proyecto di Forno na Rancho, a cuminza bek.

Directora Anne Witsenburg di Monumentenfonds a confirma esey.  El a splica cu en general, e proyecto riba su mes a bay bon, y mayoria di e trabao a keda finaliza.  Falta djis algun detaye chikito, cualnan ta importante pa nan y tambe pa Rancho.

Aki ta referi na e cura cu tin di bin ainda rond di dje.  Esaki a haya prioridad desde cu e incidente cu a socede aña pasa unda un persona a wordo kima den e forno.  Temporalmente a pone heki rond di e forno aki, pero segun e directora di Monumentenfonds, e ta algo mahos.

Asina a consulta cu Monumentenbureau riba e asunto aki di un heki.  A pensa pa pone un heki un tiki mas paden, pa asina e bira un tiki ‘invisible’ y pa e no daña e bista riba e monumento di Forno di Kalki.

Toch a logra haya un solucion pa esaki, y mesora a entrega e idea na Monumentenbureau pa asina warda riba aprobacion pa pone e heki eynan.

Fuera di esey, segun Witsenburg, durante e trabao di restauracion a desaparec e elugar unda cu e cura di e cas a topa cu e forno.  Anto net eynan a haya un contratista cu a pleister tur cos, pero a laga e parti aya habri.  Awor ta drechando esey.

El a splica cu unavez cu e pida trabaonan chikito aki keda cla, nan lo kita e heki temporal cu tin pafo.

Tambe e ora lo start caba cu e prome mantencion di e forno, pa asina e keda den top condicion pa hopi aña cu ta bin.

Monumentenfonds ta djis doño di e pida tereno riba cual e forno ta ubica, como tambe un area di 50 centimeter rond di dje.  Nada mas ta di nan.

Pero Anne Witsenburg a bisa cu antes e forno di kalki tabata forma parti di e cura di un cas cu tin den John G. Emanstraat.  Nan ta spera cu den futuro, por pone e cura aki di e cas bek combina cu e Forno di Kalki, pa asina ta proteha e dos entradanan di e Forno.  Esey ta loke nan ta investigando pa check kico ta e posibilidad.

 

- Advertisement -

DUNA COMENTARIO

Please enter your comment!
Please enter your name here