Home Bites Renaissance Aruba ta presenta un otro concepto culinario exclusivo: ‘Evolution’

Renaissance Aruba ta presenta un otro concepto culinario exclusivo: ‘Evolution’

259
0
SHARE
- Advertisement -

ORANJESTAD  (AAN)  – Renaissance Aruba un biaha mas ta preparando pa presenta un otro concepto culinario exclusivo. Un ‘pop-up’ event nunca antes realisa aki na Aruba.

‘Evolution’ lo transportabo den un biahe culinario den e cuater temporadanan di aña por medio di un mesa cu lo cambia cada bes di temporada bo dilanti.

‘Evolution’

Un pop-up culinario cu lo hiba como tema e cuater temporadanan di aña cuminsando cu e misterio di hersft, sigui pa e temporada friu di winter, pa despues drenta lente cu lo lagabo sera conoci cu un comienso nobo y pa finalisa e temporada dushi di zomer.

Cada temporada lo respresenta un entrada acompaña cu su biña perfectamente selecciona pa e cas di biña Pepia Est. Cuater temporada cu su mesun menu, decoracion, musica y entretenimento.

Un biahe culinario evolutionario pa discubri sabornan unico cu lo wordo combina y acompaña pa e mihor biñanan aki na Aruba.

‘Rolling Table’

Pa trece e concepto aki na bida, e unico manera pa hibabo den e biaha culinario aki tabata si e mesa por a cambia cada bes bo dilanti. Mescos cu un aña ta wordo domina pa cuater temporada, asina e anochi exclusivo aki lo tuma lugar dominando e mundo culinario.

Un team di mas di 40 persona trahando riba un mesa largo cu lo schuif drenta bo dilanti cu e prome temporada, pa depues schuif bek retira y hibado na e sigiente temporada.

Un concepto y vision nunca antes realisa aki na Aruba y ta exactamente locual cu Renaissance Aruba ta conoci pe, pa trece ideanan inovativo pa tur persona cu gusta experencia un anochi culinario di calidad halto.

Renaissance Covention Center lo comberti su mes den un sala grandi cu lo bai carga e experencia culinario riba Diabierna, 20 di Maart y Diasabra, 21 di Maart.

Dos anochi exclusivo pa experencia e atraccion aki. Prijs lo inclui 4 plato principal acompaña cu biñanan di Pepia Est., entertenimento bibo y un anochi elegante sin igual. Mas cu un biaha culinario, e ta bai ta un experencia ‘evolutionario’ unico.

Si bo ta un amante di e eventonan culinario exclusivo di Renaissance Aruba, anto bo no por perde ‘Evolution’.

 

- Advertisement -

DUNA COMENTARIO

Please enter your comment!
Please enter your name here