Home Economia Prijs di berdura ta loke a subi mas durante luna di Januari

Prijs di berdura ta loke a subi mas durante luna di Januari

62
0
SHARE
- Advertisement -

ORANJESTAD (AAN): Riba Dialuna, Oficina Central di Estadistica Aruba a emiti nan indice di Prijs di Consumidornan pa luna di Januari.

E indice di “Cuminda & servicio di catering” a registra un subida di 1.9% na Januari 2020, despues di un subida di 0.2% na December 2019. E indice di “Cuminda na cas” (2.5%) a registra un subida, unda tur e 11 indicenan di e gruponan di cuminda na cas a subi na Januari 2020.

E indice di “Berdura” a conoce e subida di mas grandi (8.1%) na Januari 2020. E indicenan di “Batata, yuca y batata dushi” (6.5%), “Fruta” (4.0%), “Azeta y otro productonan traha di vet” (3.1%) y “Pan y otro productonan di grano” (2.0%) tambe a registra subida.

Den e ultimo diesdos  lunanan e indice di “Cuminda & servicio di catering” a subi cu 9.2%. E indice di “Cuminda na cas” a conoce un subida di 11.0%. E indice di “Fruta” a subi cu 28.3%, e subida di mas grandi entre e gruponan di cuminda na cas.

E indice di “Cuminda pafo di cas” no a registra cambio na Januari 2020 y a registra un subida di 3.4% den e ultimo diesdos lunanan.

Na Januari 2020, “Cuminda na cas” y “Cuminda pafo di cas” como grupo, tabata tin un subida di prijs di 1.9% compara cu December 2019 y hunto tabata tin un influencia di 0.42 ppt riba e CPI, mientras cu e restante bienes y servicio hunto a experencia un caida di prijs di 0.7% y tabata tin un efecto di -0.52 ppt riba e  CPI.

- Advertisement -

DUNA COMENTARIO

Please enter your comment!
Please enter your name here