Home Cultura Oficina di Estadistica lo habri expo Dia di Himno y Bandera na...

Oficina di Estadistica lo habri expo Dia di Himno y Bandera na Archivo Nacional

14
0
SHARE
- Advertisement -

ORANJESTAD (AAN):   Damara Rasmijn ta vocero di Central Bureau of Statistics (CBS) y el a laga sa cu Archivo Nacional (ANA) ta bay tin un expo ariba Dia di Himno y Bandera, dia 18 di Maart.

E idea di e expo aki ta pa duna informacion relaciona cu censo a base di datonan for di 1960 te cu datonan di e ultimo censo unda ta contesta e preguntanan: ken nos ta, cuanto nos ta, unda nos ta biba y con nos ta biba.

Di cada area kier duna informacion a base di datonan pa e hendenan por wak kico CBS ta haci cu e datonan y con e poblacion di Aruba a desaroya durante tur e añanan aki.

ANA lo ta encarga cu e parti di bailenan tipico, cuminda, bar bon surti y CBS cu e parti di Censo, Rasmijn a indica.

CBS tambe ta bin cu un espacio unda tin expo di materialnan bieu cu a uza durante tur e censonan. ANA tambe tin un parti unda nan ta bay enfoca mas  pa ilustra a base di potretnan con e poblacion a cambia durante e ultimo añanan aki, a agrega.

Damara Rasmijn a duna di conoce cu e dia aki esnan interesa den bira teller pa e Censo 2020 lo tin oportunidad pa inscribi. Ta un opcion pa e hendenan yega mas cerca di CBS.

E expo habri lo wordo habri dia 18 di maart proximo, pero e lo keda habri henter aña na Archivo Nacional. E expo y entrada na Archivo Nacional ta totalmente gratis, e representante di CBS a remarca.

 

- Advertisement -

DUNA COMENTARIO

Please enter your comment!
Please enter your name here