Home General No habri porta pa ningun ‘trahador di Gobierno’ cu ta bin desinfecta...

No habri porta pa ningun ‘trahador di Gobierno’ cu ta bin desinfecta na cas

10535
0
SHARE
- Advertisement -

Comunidad mester keda den alerta

ORANJESTAD (AAN): DIARIO a haya varios yamada di lectornan atento relaciona ‘trahadornan di Gobierno’ cu ta bishita casnan pa supuestamente desinfecta e cas contra coronavirus.

Esaki NO ta berdad! No tin ningun accion di parti di Gobierno pa desinfecta ningun cas of bario.

No habri porta di cura of di porta di cas y yama polis mesora si bo wak un di e personanan aki. Berdad cu personal di Gele Koorts en Muskieten Bestrijding (GKMB) di Departamento di Salud Publico sa pasa na cas pa controla sangura.

DIARIO a verifica cu director Luis Chong, kende a enfatiza cu nan ta identifica nan mes cu un identificacion di gobierno y nan uniform.

Ciudadanonan cu tin duda por yama GKMB pa verifica si nan a manda un trahador pa controla na 585-5533.

Comunidad ya caba ta pasando momentonan di hopi stress y dificultad pa motibo di e pandemia di coronavirus, y awo malhechornan ta probecha di panico pa comete actonan criminal.

Spera cu Cuerpo Policial por ta na altura di e hecho aki y pone atencion di inmediato pa comunidad por sinti nan mes sigur den nan mesun cas y no mester lidia cu mas stress.

Corda cu esnan mas vulnerable di nos comunidad, nos grandinan y muchanan, ta na cas y no por pone nan seguridad den peliger.

 

- Advertisement -

DUNA COMENTARIO

Please enter your comment!
Please enter your name here