Home Salud Lo duna siguimento na tur esnan cu a haya contacto cu personanan...

Lo duna siguimento na tur esnan cu a haya contacto cu personanan positivo pa Coronavirus

27
0
SHARE
- Advertisement -

Protocol di ‘Contact Tracing’ ta wordo aplica

ORANJESTAD (AAN):  Un persona cu wordo confirma cu Coronavirus tin cu pasa den un proceso di screening medico y isola pa wordo trata, pero tambe ta importante pa menciona cu autoridadnan di salud lo tin cu pone den ehecucion un asina yama “contact tracing’.

Esaki kiermen cu ta bay sinta cu e pashent, ta haci un intake y for di eynan ta saca e informacion di tur e contactonan cu e tabata tin. No solamente hende cu ta traha cune, of esnan cu ta biba den cas cune, pero por ta un bisiña cu el a bishita of un famia.

Tur e personanan aki ta bin ariba e lista y tur lo mester wordo sigui pa wak si un dado momento nan ta presenta sintomanan. Esey ta e unico manera cu por contene e malesa, Sharline Koolman, Hefe di e Departamento di Malesanan Contagioso a indica durante e rueda di prensa diabierna atardi unda a anuncia dos caso di Coronavirus na Aruba.

Koolman a agrega cu un persona por wordo contagia ora cu e persona cu e virus ta nister of tosa y e otro persona tin contacto cu por ehempel su slijm. E ta mishi cu e slijm y ora di mishi su boca, nanishi of wowo, e bacterianan di e virus ta drenta den e curpa. Esey ta e caminda pa e virus plama den su curpa cu e posibilidad di sigui propaga e malesa.

- Advertisement -

DUNA COMENTARIO

Please enter your comment!
Please enter your name here