Home Labor Leynan laboral no ta wordo poni un banda pa motibo di crisis

Leynan laboral no ta wordo poni un banda pa motibo di crisis

81
0
SHARE
- Advertisement -

Hubert Dirks di FTA

ORANJESTAD (AAN): Presidente di FTA, Hubert Dirks a indica cu nan ta hopi preocupa pasobra e situacion ta hopi dificil y nan ta spera cu Gobierno tuma decision mas lihe cu por, pero lo yega un momento pa tur sindicato y gremio comercial mester bin hunto pa analiza e situacion y tuma cierto decision.

Nan ta conta cu dunadornan di trabao por tene na cuenta e situacion, y no tuma decision pa loco, duna un chens pa yega na un decision, na unda tur hende por carga. No ta asina cu ta tuma un decision aworaki, cu lo causa dañonan grandi pa famianan.

Leynan laboral no ta wordo poni un banda, nan mester wordo respeta apesar cu nos ta pasando den un crisis. E realidad ta cu si Aruba bay plat, no lo tin trabao, no tin funcionamento, no tin entrada pa ningun compania.

Teniendo na cuenta cu esaki, tin compania cu por carga of ta suppose di carga e golpi aki pa un periodo, pero con largo e periodo aki ta, esey no ta conoci.

Nan no sa e capacidad di forza di cada compania, pero nan ta spera cu dunadornan di trabao tuma esaki den consideracion y no tuma decisionnan pa loco.

Dirks a bisa cu tur hende ta pendiente riba decisionnan riba nivel nacional door di Gobierno, pa asina por lo menos yega na un trankilidad, sikiera pa e prome dos luna y despues bolbe evalua e situacion.

E ta kere cu tur otro decision of salida di placa, mester wordo para. Y decisionnan mester ta mas balansa posible.

El a agrega cu lo yega un momento cu Hulanda mester aporta den e situacion, pa yuda nos carga e golpi aki. Corda nos ta papiando di trabaonan  cu nos mester wordo perdi. Companianan no mester wordo perhudica, y cera.

Esaki ta momento crucial pa traha hunto y carga responsabilidad.

- Advertisement -

DUNA COMENTARIO

Please enter your comment!
Please enter your name here