Home General KLM a anuncia cu nan lo kita 2.000 empleado pa crisis di...

KLM a anuncia cu nan lo kita 2.000 empleado pa crisis di coronavirus

128
0
SHARE
- Advertisement -

Aerolinea Hulandes KLM (grupo Air France-KLM) a anuncia diabierna cu nan lo kita hasta 2.000 puesto di trabao pa enfrenta e impacto di pandemia di coronavirus nobo, entre otro medidanan pa reduci gastonan.

Director General di KLM, Pieter Elbers a bisa cu e compania, cu ta emplea alrededor di 33.000 persona, tambe lo reduci e tempo di trabao di nan empleadonan y lo laga nan Boeing 747 riba tera desde 1 di April.

“Den siguiente lunanan, nos lo reduci entre 1.500 y 2.000 empleo, loke ta nifica no solamente cu den siguiente simannan, sino tambe den siguiente lunanan, nos lo tin menos colega”, Elbers a indica den un mensahe graba y publica den website di e compania aereo.

El a bisa cu e medidanan aki lo afecta specialmente empleadonan cu ta traha part-time, esnan cu ta cerca di edad di pension y esnan cu di tur manera ya ta bay cu pension.

“Nos ta kere cu nos mester tuma e medida aki pa evita un situacion mas grave”, Elbers a agrega.

E compania Hulandes, cu a uni cu Air France na 2004, a predeci un caida den cantidad di vuelo di 20% na Maart y 30% na April ora cu nan a tuma decision pa suspende nan conexionnan cu China y Italia, epicentronan asiatico y europeo di e pandemia.

Luna pasa, e grupo Air France-KLM a estima cu e costo di e pandemia lo ta entre 150 y 200 miyon di euro na April.

“Hopi cos a tuma lugar den ultimo dianan”, Elbers a bisa. E cantidad di persona infecta na mundo a alcanza 140.720 y di morto 5.347 den 124 pais y teritorio.

 

- Advertisement -

DUNA COMENTARIO

Please enter your comment!
Please enter your name here