Home arte y espectaculo Hulanda: Gustave Nouel di Aruba lo tene expo ‘Caranan di Oranje’ na...

Hulanda: Gustave Nouel di Aruba lo tene expo ‘Caranan di Oranje’ na Stadhuis di Deventer

24
0
SHARE
- Advertisement -

ORANJESTAD (AAN): Den sala central di ‘Stadhuis’ na Deventer, di 9 di maart te cu 19 di mei 2020, lo por mira un exposicion especial di Gustave Nouel di 20 pintura y algun obheto.

E expo titula ‘Caranan di Oranje’ ta referi na pinturanan cu ta refleha caranan relaciona cu identidat comun di nos Reino soberano. Cu e exposicion aki e pintor di Caribe, Gustave Nouel kier subraya cu henter Reino tin unicamente un ‘Oranjehuis’, aunke e ta consisti di cuater diferente pais.

Exposicion ‘Caranan di Oranje’ lo ta habri pa tur hende durante oranan di trabao.  Lo tin diferente actividad y sorpresa, durante y despues di Dia de Rey, relaciona cu e exposicion aki pa refleha e funcion puente di nos Casa Real…

Deventer ta e ciudad caminda e artista Caribeño Gustave Nouel a biba y traha como artista profesional, mayor parti di su bida. Actualmente e ta guiando artistanan pintor di Deventer di tur nivel na asociacion di artista DAK. Tambe e ta dunando cursonan special pa pinta portret, tanto na DAK como na Kunstcircuit, un di e centronan cultural, di mas grandi y completo di region y posiblemente di Hulanda.

Den su atelier na Deventer, Gustave Nouel ta duna ‘masterclass’ tambe na artista diplomá y/o hopi avansa for di henter Hulanda.
Por corda cu Gustave Nouel tabatin mas di 200 exposicion rond mundo. Den PALET, e revista di Arte mas grandi di Hulanda, su cursonan di pinta y proyectonan artistico a ser publica. Hunto cu PALET el a organiza diferente viaje di Arte, caminda artistanan di Hulanda, Belgica y Alemania a participa na workshops cu e tabata duna, hunto cu e artistanan local conoci, Edmond Tujeehut y Elvis Tromp.
Na Hulanda, demasiado hende, sa poco o nada di e parti di Reino Caribeño, di nan talento y cultura. Pa e motibo aki Gustave Nouel di Aruba ta pensa cu intercambio cultural (cu igualdad di condicion) por añadi un balor na nos Reino.

Centro Cultural Kunstcircuit, na 2020 kier cuminsa un intercambio cultural cu National Institute of Arts (NIA) na St. Maarten. Si esaki bira un exito, na 2021 un intercambio cultural structural lo por cuminsa tambe cu otro institutonan cultural di e otro partinan di nos Reino, caminda por incluí tur disciplina di arte relevante.

 

- Advertisement -

DUNA COMENTARIO

Please enter your comment!
Please enter your name here