Home Suceso Helicopter a rescata dos hende for di Catamaran panort di Curacao

Helicopter a rescata dos hende for di Catamaran panort di Curacao

92
0
SHARE
- Advertisement -

ORANJESTAD (AAN): Tabata Diaranson merdia cu e Helicopter di Guardacosta di Caribe Hulandes a lanta vuelo pa bay check kico ta pasando cu un Catamaran cu tabata e momento ey panort di Curacao.

E avion Dash-8 tambe cu tabata haciendo patruyahe regular den e area, a wordo manda door di RCC pa e lugar pa asina mira kico ta pasando cu e situacion di emergencia.

E Catamaran tabatin dos persona abordo, y el a cuminza sink te na mitar caba, y e personanan abordo na un forma yen angustia tabata zwaai man na esnan den avion di Dash-8.

Despues di a confirma loke ta pasando, e Helicopter a wordo manda na e lugar pa saca e dos personanan for di eynan.

Cu waya a hisa nan for di e boto uno pa uno.  E tripulantenan tabata den shock pa loke a pasa cu nan, pero tabata sinti nan mes stabil.

Un dia prome e Catamaran a sali for di Curcao y cu Helicopter a ser treci bek pa e isla, unda cu a tuma tur precaucion na nan yegada.

- Advertisement -

DUNA COMENTARIO

Please enter your comment!
Please enter your name here