Home Comercio Gobierno a reuni cu gremio comercial relaciona cu retonan di coronavirus pa...

Gobierno a reuni cu gremio comercial relaciona cu retonan di coronavirus pa Aruba

313
0
SHARE
- Advertisement -

Otro siman lo bolbe reuni

ORANJESTAD (AAN):  Diahuebs mainta Minister President Wever-Croes y Minister di Finansa y Economia Maduro a reuni cu gremio comercial pa asina splica con Gobierno ta preparando pa e posibel impacto economico y financiero cu coronavirus por tin pa Pais Aruba.

Durante e reunion Minister President a splica riba e trabaonan cu ta wordo haci pa ‘Fast Track’ algun proyecto pa asina por yuda nan start mas liher na beneficio di economia di Aruba.

Minister di Finansa a splica di e trabounan cu Gobierno ta haciendo pa calcula e impacto economico y financiero cu coronavirus por trece cune pa Aruba.

E mandario a splica cu ‘as we speak’ Gobierno ta trahando riba escenarionan hunto cu ATA. A splica tambe riba e necesidad pa Aruba por conta cu un presupuesto pa 2020 y a indica cu ta evalua pa haci cambionan den e reforma fiscal fase 2 pa asina por tene debido cuenta cu e impacto cu coronavirus lo por tin pa comercio na Aruba.

Minister Maduro a splica cu Aruba tin retonan financiero pa cual ta bou supervision y tambe evaluacion di ratingbureaus. E siman aki mes e mandatario tabata den contacto cu Fitch y Standard and Poor’s kendenan kier sa, entre otro, con Aruba ta preparando pa e impacto di coronavirus riba nos finanzas y economia y kico ta wordo haci pa mitiga e impacto.

Gremio comercial di su parti a trece nan preocupacionnan dilanti pa locual ta e impacto di e reforma fiscal fase 2 den bista di e impacto di e coronavirus, y nan a duna algun sugerencia pa adaptacion di e reforma.

Otro siman dialuna, Gobierno lo bolbe reuni cu gremio comercial pa asina hunto sigui busca solucionnan pa atende cu e reto financiero y economico di Pais Aruba.

Potretnan: Facebook Page Minister Xiomara Maduro.

- Advertisement -

DUNA COMENTARIO

Please enter your comment!
Please enter your name here