Home Gobierno Gobierno a publica lista di actividadnan no esencial durante Shelter In Place

Gobierno a publica lista di actividadnan no esencial durante Shelter In Place

726
0
SHARE
- Advertisement -

Desde diadomingo Shelter in Place ta na vigor:

ORANJESTAD (AAN):  ‘Shelter in Place’ ta na vigor desde diadomingo ultimo. Pero kico ta encera? Kico comunidad mester tene cuenta cune?

Prome Minister Evelyn Wever-Croes enfatiza cu ta tumando cada bes medidanan mas drastico mirando  e comportacion di hopi persona den comunidad.

E meta di e medidanan aki ta specificamente pa evita mas contagionan y cu e virus plama mas na Aruba.

Durante e  shelter in place ningun hende por ta ariba caya. Tin excepcionnan cual ta wordo yama actividadnan esencial manera esunnan cu tin di haber cu remedi, cuido, trabao. Pero tin un lista di actividadnan no esencial cual ta wordo describi den e imagen adhunto. E lista oficial aki a wordo publica riba e website www.arubacovid19.org.

E actividadnan a wordo poni den categoria y si un categoria no ta riba e lista esey ta nifica cu e actividadnan ey ta cay bao di e lista esencial y cu si tin permiso pa por circula durante e oranan di Shelter in Place, cual ta henter dia.

Por check den e lista adhunto pa haya sa si bo ta cay den e lista aki of den e categoria di esencial.

Durante Shelter in Place, e personanan cu ta cay den e categoria di esencial no mester di un permiso special pa ta ariba caya. Locual si nan mester tin cu nan ta un identificacion di e lugar unda nan ta labora. Esaki ta e personanan cu ta parti di un ‘skeleton crew’. Kiermen, un cantidad di trahadornan minimo.

E personanan individual cu por ta ariba caya ta esnan cu mester bay botica, bay supermercado, bay doctor, por ehempel.

Contrariamente, durante e Toque de Queda, un persona cu ta traha of ta realiza un actividad cu tin excepcion pa ta ariba caya, si lo mester di un permiso.

 

- Advertisement -

DUNA COMENTARIO

Please enter your comment!
Please enter your name here