Home Gobierno Fraccion di MEP y RED a entrega un concepto di ley pa...

Fraccion di MEP y RED a entrega un concepto di ley pa entrega 500 mil florin

872
0
SHARE
- Advertisement -

ORANJESTAD(AAN): Diabierna mainta fraccion di MEP y RED hunto a entrega na Parlamento un concepto di ley cu ta reglamenta e rebaho entre otro di salario di Parlamentarionan y Ministernan incluyendo e ministernan Plenipotenciario, mirando e crisis cu nos ta aden.

“Diahuebs nos a reuni cu algun consehero y nos a haya sa kico en todo caso e calculacion lo ta pa Parlamentario y Ministernan”.

“A base di esaki mesora nos a traha e concepto aki di ley, pasobra salario y beneficionan di mandatarionan y Parlamentarionan ta regla den ley”, segun lider di Fraccion di MEP Rocco Tjon.

El a sigui bisa cu e resultado ta cu Parlamentarionan den totalidad lo entrega riba 500.000 florin.

Tjon a indica cu hunto cu Parlamentario di RED, Ricardo Croes el a firma e concepto di ley a entrega esaki na Presidente di Parlamento.

Croes a indica cu nunca antes pais Aruba a biba un situacion asina, cu ta a consecuencia di e Coronavirus.

“Nos ta boga pa boso cooperacion, pa nos por logra contene e virus aki y na momento cu nos logra e virus aki, nos por duna atencion na e problemanan hopi serio cu e pais aki ta bay biba aden, den e siguiente lunanan nos dilanti”, segun Croes, kende a indica cu no ta momento pa haci politica.

El a bisa cu entregamento di e ley aki no ta a base di e reunion publico cu a caba di tuma lugar.

“Nos tabata den palabracion caba, cu nos tin cu tuma medidanan den e parti di sector publico, esta Parlamento, Ambtenaarij y Ministernan”.

“Durante e reunion publico tabata tin un colega cu a haya oportuno pa entrega un mocion, cu tur e resultadonan cu tabata tin despues”.

“Reunionnan di Parlamento specialmente e momentonan aki, ta exigi un union di Parlamento di Aruba completo y no tin distincion di partidonan politico”.

“Nos no ta bay entrega 1000 florin pa luna pa 3 luna cu no ta yega pa nada, apesar cu e mey miyon cu nos ta bay entrega tampoco ta bay yega, pero e ta un gesto necesario grandi di nos parti y esaki ta djis e comienzo”, segun Croes.

- Advertisement -

DUNA COMENTARIO

Please enter your comment!
Please enter your name here