Home arte y espectaculo Fechanan nobo pa Comedia na Aruba

Fechanan nobo pa Comedia na Aruba

22
0
SHARE
- Advertisement -

ORANJESTAD (AAN): Manera ta conoci e situacion di coronavirus y anuncio di Gobierno net algun ora prome cu comedia a causa cu mester a pospone presentacion di e comedia riba dianan 13 y 14 di maart pa 8’or di anochi.

Manera por corda, dia 13 di maart pa 3’or di atardi Gobierno a anuncia e medidanan di prevencion adicional relaciona cu presencia di dos caso di coronavirus na Aruba.

Cas di Cultura a opta pa tuma contacto cu promotor pa para e comedia mirando cu ta basta hende lo bini hunto den sala. Tur cos tabata cala caba, tur gasto ta cubri y ta presentacion so tabata. Cas di Cultura a dicidi di pone mesora dos fecha nobo pa e funcionnan tuma luga.

A pone e fechanan di 30 di april, cu ta un diahuebs, y prome di mei cu ta un diabierna, Dia di Obrero cu ta un dia liber, pues al estilo di un fin di siman.

Esnan cu tin nan ticket di dia 13 di maart lo bay e funcion di diahuebs, 30 di april, y esnan cu tin ticket di 14 di maart ta bay pa e funcion di prome di mei.

Djis warda bo ticket bon y warda e fecha yega pa bo ta den Cas di Cultura y hari bay gol.

Promotornan ta spera cu tur hende compronde e situacion, ya cu e cancelacion no tabata den nan man.

 

- Advertisement -

DUNA COMENTARIO

Please enter your comment!
Please enter your name here