Home Religion y Espiritualidad E proyecto di kapel di Alto Vista a keda finalisa

E proyecto di kapel di Alto Vista a keda finalisa

265
0
SHARE
- Advertisement -

Minister Dangui Oduber:

ORANJESTAD (AAN): Minister di Turismo, Sr. Dangui Oduber ta contento di por anuncia cu e borchinan di caminda di cruz di kapel di Alto Vista a keda finalisa cu un diseño nobo.

E proyecto aki a wordo financia cu fondonan di ministerio di turismo. E proyecto di kapel di Alto Vista a wordo haci cu conciencia y bou guia di parokia di Noord y hunto cu esnan cu ta atende cu e kapel.

“E caminda di Cruz di kapel di Alto Vista ta un parti di nos cultura hopi sagrado y alaves ta wordo hopi bishita hopi pa nos bishitantenan. E ta un caminda unda hopi hende ta bin haci oracion, meditacion y hopi devotonan catolico ta haci uzo di dje. Pesey como Minister di Turismo a tuma e decision pa renoba e area di e kapel di Alto Vista y asina eleva e producto turistico pa duna nos turistanan e mihor experencia posibel” e mandatario ta expresa.

Den e potretnan por mira claramente e diferencia di con e tabata prome cu e renobacion y con e ta awor cu e la keda cla.

E kapel di Alto Vista ta un sitio hopi bishita y ta sagrado, semper por conta cu sosten di Ministerio di Turismo pa mantene esaki na un nivel agradabel.

Un contribucion chikito pa tur locual e kapel ta significa pa nos tur na Aruba.

- Advertisement -

DUNA COMENTARIO

Please enter your comment!
Please enter your name here