Home Coronavirus E factor zwak den e lucha contra Coronavirus ta e comportacion di...

E factor zwak den e lucha contra Coronavirus ta e comportacion di varios persona den comunidad

402
0
SHARE
- Advertisement -

* Comportacion ta crucial pa gana e bataya!

ORANJESTAD (AAN):  E situacion na Aruba no ta mucho bunita na e momentonan aki. E casonan di Coronavirus ta subiendo dia pa dia y pa e motibo ey tur dia gobierno ta anuncia medidanan nobo.

Esaki ta locual a sosode un biaha mas diabierna anochi ora cu Prome Minister Evelyn Wever-Croes a laga sa cu e cantidad di casonan ta na 33 positivo.

Ta trata akinan di 5 caso extra na locual a anuncia mesun dia merdia. El a indica cu mayoria di e personanan ta den bon estado.  Un di nan ta di Fundacion Respaldo y un otro persona cu ta hospitaliza.

E mandatario a remarca e importancia pa keda sigui e instruccionnan. Pa awor ta implementa medidanan mas stricto pa esnan cu ta den cuarentena, a agrega.

Comportacion di comunidad ta masha importante y crucial pa por logra e meta. E pakico no ta cera e personanan cu ta lanta contra polis ta pasobra no tin suficiente polis pesey ta conta cu e sentido di responsabilidad di e ciudadanonan, Prome Minister a expresa.

El a bolbe bisa cu e ta preocupa y ta haciendo hopi esfuerzo pa evita cu e virus sigui plama. “E ora nos lo perde e bataya”, a manifesta.

Un apelacion a bay na comunidad pa sigui e instruccionnan. E factor zwak ta keda e comportacion di varios persona den e comunidad, a remarca.  

- Advertisement -

DUNA COMENTARIO

Please enter your comment!
Please enter your name here