Home Editorial DIARIO lo sigui sirbi Aruba den lucha contra COVID-19

DIARIO lo sigui sirbi Aruba den lucha contra COVID-19

61
0
SHARE
- Advertisement -

Na momento cu e coronavirus nobo a anuncia su mes na mundo, DIARIO a asumi su responsabilidad grandi pa un Aruba bon informa por a prepara su mes pa un lucha nobo cu e pais mester hiba.

Informa pueblo pa asina cada ciudadano por a carga su responsabilidad, tabata e motibo di nacemento di DIARIO cu no a permiti ningun desaroyo of circunstancia stroba su funcion den comunidad di Aruba.

Pa un pueblo por uni na un lucha y pa por duna tur su cooperacion, e mester ta bon informa di loke e peliger pa e comunidad ta contene y tambe e medidanan cu autoridad di e pais mester tuma, pa asina garantisa recuperacion di e pais.

COVID-19 no a bira un asalto pa Aruba, cu for di principio di e crisis mundial actual a wordo poni na haltura di tur suceso y tur resultado cu e malesa por a nifica pa nos salud, nos economia, nos futuro.

Ta di aplaudi cu gobierno a demostra su responsabilidad y no a permiti Aruba drenta un situacion di panico total manera ta pasa na cantidad di pais na mundo, cu no por a conta cu e preparacionnan riba tereno di salud publico pero tambe e necesidad cu lo a surgi pa paralisa economia y na mes momento crea un vangrail social.

Como parti di comunidad, DIARIO mester tene na reglanan di autoridad na bienestar di e pais y tur su ciudadanonan. Nos mester a adapta nos orario pa asina por a sigui sirbi Aruba.

Mientras e pais ta hiba e lucha pa confronta y supera e coronavirus nobo, DIARIO lo mester cera su edicion mas tempran y wordo reparti e siguiente dia tempran.

Gerencia y personal lo sigui carga su responsabilidad den e situacion nobo y lo percura pa informacion na e nivel mas halto alcansa pueblo di Aruba.

Nos tin pleno confiansa cu Aruba dentro di poco lo por bolbe na bida normal, cu lo encera cu nos lo bolbe na normalidad tambe.

Laga nos uza e crisis actual pa duna contenido renoba na Arubianismo y reflexiona con despues di e dianan dificil, hunto nos por reconstrui Aruba, cu a wordo bendiciona atrobe cu e oportunidad pa cera porta pa COVID-19.

 

- Advertisement -

DUNA COMENTARIO

Please enter your comment!
Please enter your name here