Home Social Centro di Bario Playa Pabao ta celebra Dia di Hende Muher

Centro di Bario Playa Pabao ta celebra Dia di Hende Muher

111
0
SHARE
- Advertisement -

ORANJESTAD (AAN): Diabierna dia 6 di maart 2020 proximo Centro di Bario Playa Pabao ta duna homenahe na e hende muher relaciona cu Dia Internacional di Hende Muher cu un programa special di 7 pm pa 9 pm.

Sr. Dennis Burke, presidente di Centro di Bario Playa Pabao a expresa cu na momento cu ela pensa riba un orador, hende muhe, ela pensa riba Suzy Maduro cu di biaha a acepta pa bin duna un charla.

Suzy Maduro no ta un persona desconoci den nos comunidad paso e tin un trayectoria largo como Relacionista Publico y awor e ta desembocando como un profesional riba tereno di consultancy.

E tema cu e ta bai trata ta entre otro e tema di e aña aki di Nacionnan Uni pa loke ta trata Dia Internacional di Hende Muher: “Nos ta e generacion di igualdad, haciendo e derechonan di hende muher un realidad”.

Parti di e programa diabierna awor ta inclui poesia di Ruthy Vrieswijk y Omaira Britten. Lo tin presentacion musical di e 2 streanan di Aruba Rocco Franken y Ron Martis.

Como muestra di aprecio, sr. Dennis Burke a informa cu e prome 50 damanan cu yega na Centro di Bario Playa Pabao lo ricibi un regalo pa cortesia di centro di bario Playa Pabao. Un y tur ta keda cordialmente invita pa acudi na Centro di Bario Playa Pabao diabierna dia 6 di maart 2020, 7 pm pa 9 pm. Entrada ta gratis.

 

- Advertisement -

DUNA COMENTARIO

Please enter your comment!
Please enter your name here