Home Noticia Internacional Carnaval di Jamaica como tambe St. Maarten a wordo posponi

Carnaval di Jamaica como tambe St. Maarten a wordo posponi

331
0
SHARE
- Advertisement -

ORANJESTAD (AAN): Carnaval na Jamaica tabata planea pa tuma lugar riba Dialuna 19 di April venidero.  Pero mirando e hecho cu ya caba e 2 prome caso di Coronavirus importa a wordo registra Diaranson y Diahuebs na e pais, decision a ser haci mesora riba Diabierna.

Presidente di Carnival in Jamaica, esta Kamal Bankay a anuncia esaki riba Diabierna.

Awor nan a pone un fecha nobo pa Carnaval di Jamaica.  E parada grandi lo bay ta Diadomingo 25 di October 2020.

Ademas di esaki, a anuncia caba cu e alineacion pa e parada, incluyendo tur tema y disfraz, y e articulonan liga cu cada banda di Carnaval lo keda valido, incluyendo e banchinan.

Pa aworaki, Gobierno di Jamaica ta recomenda tur hende pa evita di organiza actividad di aglomeracion di hende.

Manera ta conoci, Diahuebs a anuncia cu un Jamaica a registra e di dos caso di Coronavirus eynan.  E ta un empleado di Embahada Mericano, cu a caba di yega eynan procedente di Gran Bretaña.  E dia prome, esta Diaranzon ta e momento cu Jamaica a confirma nan prome caso.  Esey tabata un muher cu a regresa Jamaica for di Reino Uni pa un entiero.

  ST. MAARTEN:

Mientras tanto Diahuebs, e St. Maarten Carnival Development Foundation (SCDF) a anuncia cu Carnaval 2020 na e isla a wordo posponi debi na e brote rapido di Coronavirus Covid-19 rond mundo.  Na St. Maarten sinembargo nan no a duna ningun informe pa cuanto tempo e lo wordo posponi.

Gobierno di St. Maarten ta esun cu a tuma e decision di Carnival 2020 durante un reunion, y e fundacion a bisa cu e ta di acuerdo cu e decision y cu seguridad di publico ta bin na prome lugar.

SCDF lo emiti un serie di informacion na tur stakeholder di Carnaval den e dianan venidero.

- Advertisement -

DUNA COMENTARIO

Please enter your comment!
Please enter your name here