Home Coronavirus Cantidad di caso positivo di Coronavirus a subi te na 55 diamars

Cantidad di caso positivo di Coronavirus a subi te na 55 diamars

654
0
SHARE
- Advertisement -

Mas di mil persona den cuarentena!

ORANJESTAD (AAN): Diamars tabata tin basta incertidumbre relaciona cu e cantidad di casonan positivo di Coronavirus. Pero e ultimo informacion di Departamento di Salubridad Publico ta mustra cu e casonan a subi te na 5.

Esaki kiermen cu te cu diamars merdia Aruba a conoce su di 55 caso positivo (8%). E mesun cantidad a mantene te cu diamars anochi ora cu Prome Minister Evelyn Wever-Croes a duna di ultimo informacion den conferencia di prensa.

Jurette Croes di DVG a indica cu e casonan positivo tabata 55 na e momento ey. 626 caso negativo, 682 persona a haci test y e personanan den cuarentena tabata na total 1040. For di e 1040 aki, 193 persona cu tabata tin contacto cu un caso positivo y 847 cu a viaha recientemente cu a bin Aruba bek.

E edad di contagio ta varia entre 11 y 74 aña. Esaki ta cifranan cu no a varia den e ultimo dianan.

4 PASHENT NA HOSPITAL

Croes a agrega cu tin 4 persona interna na Hospital. Un persona ta den Cuido Intensivo. Un otro persona ta den Medium Care y otro dos personanan ta isola riba piso.

E estadisticanan ta indica tambe cu 96% di esnan contagia ta residente. 23% tin historia di viahe y 46% no tin historial di viahe locual kiermen cu e porcentahe ultimo aki ta trata di transmision local, Jurette Croes a indica.

TASK FORCE A BISHITA 28 CAS DIAMARS  

E representante di DVG a laga sa tambe cu mester corda cu desde diamars tin e asina yama Task Force na vigor. Personal di DVG y Polis lo ta haciendo ‘spot check’ y yamadanan inespera na esnan cu ta den cuarentena. Nan tin e autoridad pa haci control.

Esnan cu no cumpli cu e medidanan di cuarentena di keda cas lo haya boet, Jurette Croes a enfatiza. Lo tin man duro contra e violadornan di e medidanan na vigor.

Diamars e Task Force a bishita 28 cas unda tin personanan den cuarentena y a bin topa cu un persona no tabata cumpliendo cu e medida di keda cas. El a haya boet, Premier Wever-Croes a duna di conoce.

 

- Advertisement -

DUNA COMENTARIO

Please enter your comment!
Please enter your name here