Home Beyeza Candidata di Aruba Keighley Loopstok rumbo pa Egipto

Candidata di Aruba Keighley Loopstok rumbo pa Egipto

420
0
SHARE
- Advertisement -

ORANJESTAD (AAN): Manera ta conoci, aña pasa na December, e simpatica Keighley Loopstok di Aruba a competi na Amsterdam (Hulanda) pa e titulo di Miss Eco Aruba 2020.  Na final di anochi, el a logra gana e titulo maximo.

DIARIO a haya sa cu Dialuna aki dos siman, esta dia 23 Maart 2020, Keighley di 22 aña ta viahando pa Egipto pa forma parti na un di e certamennan di beyeza mas grandi, esta Miss Eco International 2020.

Na e evento ey, mas di 70 pais lo ta compitiendo pa e titulo maximo. E anochi final mes lo tuma lugar dia 10 di April 2020 na Cairo, Egipto.

Keighley ta cay bao di e organisacion Vicky-Foundation. E fundacion ta un plataforma pa modelonan di Aruba, Curacao y Hulanda. Bao encargo di Sra. Vicky Zimmerman, modelonan ta forma parti di diferente trainingnan e.o. public speaking, pasarela, media training y prueba di talento y hopi mas.

Keighley ta studiando pa bira docente di Aardrijkskunde na Hogeschool van Rotterdam. Dentro di 2 aña e lo termina su estudio unda e ta bay regresa Aruba pa duna les na onderbouw.

Keighley no ta desconoci den mundo di beyeza na Aruba. Na 2015 el a sali como Prome Finalista di e certamen di Aruba Youth Queen.  Na aña 2016 el a gana titulo di Damita Cultural. Na 2018 el a concursa pa Miss Youth Aruba y a logra 1st Runner Up y mesun aña a biaha pa Curacao y a representa Aruba na Miss Teen International H2O y a finaliza den top 6.

Keda pendiente di e dama hoben aki, pasobra pueblo lo scucha hopi mas di dje. Hopi exito Keighley, awor bo nomber ta Aruba.

Riba e potret por mira nan durante un recien bishita na Cas di Aruba na Den Haag.  E potretnan ta pa cortesia di Wim van Wel.

- Advertisement -

DUNA COMENTARIO

Please enter your comment!
Please enter your name here