Home General Cancun ya no tin espacio mas pa construi Hotel nobo

Cancun ya no tin espacio mas pa construi Hotel nobo

19
0
SHARE
- Advertisement -

ORANJESTAD (AAN): Gobierno di Mexico via di nan Fondo Nacional de Fomento al Turismo (Fonatur), lo bay stop di duna permiso pa construccion di Hotel nobo na Cancun.  Nan ta haci esey debi na varios factor, e.o. e hecho cu e ciudad aki cu ta number uno pa turismo na Mexico, a cuminza sufri di suficiente suministro di awa.

Fonatur a bisa cu nan no kier spanta e inversionistanan, pero nan no kier pa demasiado construccion bin na Cancun.

E decision nobo aki a bin despues di 50 aña cu Gobierno di Mexico a apunta Cancun como e prome Centro Integralmente Planeado (CIP) pa promove turismo na e pais.  E ciudad aki so tin como 40% di alohamento na estado Quintana Roo.  Cancun tin 35.000 camber di hotel.

Awor cu a haci e anuncio di moratorio aki, companianan Hotelero ta haya nan obliga di cancela cualkier plan cu nan tabatin di crecimento pa e siguiente cinco añanan, pasobra nan no por construi ni un solo camber mas.

Sinembargo pa e siguiente tres aña, na Quintana Roo (incluyendo Cancun) ta bay inaugura cuatro di cada 10 di cambernan nobo di Hotel di varios cadena hotelero grandi, cu ainda ta mira confianza cu Cancun ta un destinacion preferi pa turistanan.

Cancun ta number uno na Mexico cu 19% di tur camber di hotel riba e pais.  Na di dos lugar tin Jalisco cu 9% di tur camber di hotel.  Na di tres lugar tin Ciudad di Mexico cu tin 8% di camber.

E cadena hotelero Hyatt a mustra cu nan  ta compronde e reto cu Cancun ta pasando aden, pero nan lo sigui expande e ora na otro mercadonan na Mexico.  E compania Apple Leisure ta uno cu ta trece mas turista Mericano rumbo pa Mexico, y nan tin 18 Hotel na e.o. Cancun, Riviera Maya, Cozumel, y Playa Mujeres.  Na 2019 Apple Leisure a habri tres hotel nobo na Cancun.

Prensa Mexicano a revela e siman aki, cu si acaso e moratorio na Cancun bira realidad, e inversionistanan lo tin di bay bira nan lomba pa Mexico, y kizas busca otro destinacion den Caribe, manera e.o. Republica Dominicana, Aruba, e.o., pa desaroya hotel y cambernan nobo.

 

- Advertisement -

DUNA COMENTARIO

Please enter your comment!
Please enter your name here