Home Economia Bestaansminimum pa famia di 2 yiu na Januari a subi cu 291...

Bestaansminimum pa famia di 2 yiu na Januari a subi cu 291 Florin

38
0
SHARE
- Advertisement -

Aunke Indice di Prijs di Consumo a cay cu 0.1 porciento

ORANJESTAD (AAN): Un boletin emiti Dialuna mainta door di Oficina Central di Estadictica, ta indica cu e CPI pa luna di Januari 2020 ta 101.56, loke ta representa un caida di 0.1% compara cu e indice di December 2019 (101.66).

E cambio di e CPI pa e ultimo 12 lunanan (Januari 2019 te cu Januari 2020) ta 5.5%, un subida di 1.9 ppt compara cu e periodo corespondiente di aña pasa (3.6%).

E promedio anual di e tasa di inflacion pa e periodo di Januari 2019 te cu Januari 2020 ta 4.4%, un subida di 0.6 ppt compara cu e 3.8% registra den e periodo di Januari 2018 te cu Januari 2019.

Durante e luna aki, 7 di e 12 sectornan a registra caida di prijs. E caidanan cu tabata tin e mayor efecto riba e CPI a worde registra pa e sectornan di “Vivienda” (-2.3%) y “Paña y sapato” (-4.1%), causando un efecto di -0.59 y -0.09 ppt, respectivamente. E caidanan den e restante sectornan a contribui cu un efecto di -0.15 ppt riba e CPI di Januari 2020.

E caidanan aki a worde contraresta parcialmente door di principalmente subida den e indicenan di e sectornan di “Cuminda y bebida no-alcoholico” (2.5%) y “Mobilario” (4.1%), cu a contribui cu un efecto di 0.42 y 0.29 riba e CPI di Januari 2020. E subidanan den e sectornan restante a contribui cu un efecto di 0.03 ppt riba e CPI di Januari 2020.

E caida den e sector di “Vivienda” a worde causa door di un caida di 9.3% den e categoria “Electricidad, gas y otro combustible”, causando un efecto di -0.74 ppt. E caida den e sector di “Paña y sapato” a worde causa door di caida den e categorianan “Sapato” (-11.3%) y “Paña” (-2.5%), causando un efecto di -0.05 ppt cada uno.

E subida den e sector di “Cuminda y bebida no-alcoholico” a worde causa door di un subida den e categoria “Cuminda” (2.7%), causando un efecto di 0.42 ppt. E subida den e sector di “Mobilario” a worde causa door di un subida di 18.9% den e categoria “Aparato pa uso domestico”, causando un efecto di 0.27 ppt.

Canasta di consumo

E canasta di consumo di e CPI ta consisti di 408 bienes y servicionan. Compara cu December 2019, 45.3% di e bienes y servicionan aki a conoce un aumento di prijs causando un efecto di 1.65 ppt, mientras cu 35.0% ta mustra un caida di prijs, cu a contribui cu un efecto di -1.76 ppt y pa e restante 19.6% no tabata tin cambio den prijs. Prijsnan di bienes a baha cu 0.03% y a causa un efecto di -0.02 ppt. Prijsnan di servicionan a conoce un caida di 0.2% y a causa un efecto di -0.09 ppt.

    Core inflation:

E asina yama CPIC (core inflation) – CPI excluyendo e efecto di energia y cuminda – a registra na Januari 2020 un subida di 3.8%.

E indice di energia – cu ta consisti di e productonan: electricidad, awa, gasolin y diesel a registra un caida di -0.5%. E indice di cuminda a registra un subida di 13.0%.

   Bestaansminimum:

Segun Oficina Central di Estadistica, e bestaansminimum pa un hogar consistiendo di 2 adulto y dos mucha (edad 0-14 aña) na Januari 2020 ta Afl. 5,026.

A ser splica na DIARIO, cu esey ta un subida di Afl. 291 compara cu December 2019 (Afl. 4.735).

E bestaansminimum pa un hogar di 1 adulto ta Afl. 2,393, un subida di Afl. 138 compara cu December 2019 (Afl. 2.255).

- Advertisement -

DUNA COMENTARIO

Please enter your comment!
Please enter your name here