Home Enseñanza Banco di Caribe ta felicita Muchanan Sabi cu exitoso Festival di Canto...

Banco di Caribe ta felicita Muchanan Sabi cu exitoso Festival di Canto Bos Escolar

39
0
SHARE
- Advertisement -

ORANJESTAD (AAN): Diadomingo ultimo a tuma lugar Festival di Canto Bos Escolar, edicion ‘Cultural’ . E festival a sobrepasa tur espectativa cu 40 participante.

Tanto mayor y mucha a pasa un rato contento na Centro Caiquetio. Banco di Caribe ta masha orguyoso di por a forma parti di e evento aki y duna un contribucion na desaroyo artistico di nos muchanan. Ademas di esey, Banco di Caribe ta comparti e vision di Muchanan Sabi; cu ta inspira e muchanan pa via di musica nan crece cu confianza propio, respet pa nan mes, diciplina den nan bida diario y amor pa Aruba su herencia cultural.

Muchanan Sabi a keda funda na aña 1995 bou di direccion di Edselyn Figaroa. Entretanto ta un di e scolnan di canto, baile, y actuacion mas popular na Aruba. Ta stimula e muchanan di entre 3 cu 13 aña pa expresa nan mes artisticamente cu practica di canto, baile y toca instrument den nan tempo liber.

Prome cu e festival, e muchanan a participa na algun workshop cu a yuda nan den nan presentacion- tur esaki mientras ta forma e hoben socialmente y artisticamente.

Banco di Caribe a bin ta sostene fundacionnan manera Muchanan Sabi na varios ocacion ya cu maneho ta kere firmemente cu un bon base pa nos muchanan ta nifica un comunidad prospero, mañan.  Awor cu Aruba ta preparando pa celebra su Himno y Bandera e muchanan ta siña mucho mas cu tecnica di canto. Nan ta siña historia, canta nos Himno nacional corectamente y con ta duna respet na e Himno. Banco di Caribe ta felicita tur mucha cu a participa na Canto Bos Escolar, y tambe fundacion Muchanan Sabi cu un exitoso festival.

Riba e potretnan por haya un bista di e festival cu a tuma lugar diadomingo na Centro Caiquetio.

- Advertisement -

DUNA COMENTARIO

Please enter your comment!
Please enter your name here