Home Comercio Asociacion Chines ta lamenta cu algun comerciante di origen chines a actua...

Asociacion Chines ta lamenta cu algun comerciante di origen chines a actua den forma robes den momentonan di crisis

6651
0
SHARE
- Advertisement -

* Nan ta sostene accion di control di Gobierno

ORANJESTAD (AAN):   DIARIO a tuma contacto cu Asociacion Chines na Aruba y nan tin nan reaccion relaciona cu locual tabata den boca di pueblo durante e weekend aki:  abuso di prijs na algun supermercado.

Locual nan a indica ta cu alrededor di 200 super/ minimarket Chines na Aruba a ripara cu tin algun comerciante Chines a haci cambio (algun hopi drastico) den nan prijs, e durante weekend, debi na demanda halto pa producto door di e virus COVID-19.

Esnan cu a haci’e pa motibonan di egoismo a probecha di e crisis y a duna otro comerciante di origen Chines un mal nomber.

“Nos di Club Chines tambe a pone esnan cu a haci e acto aki na altura cu nan a actua den forma robes na un momento cu e pueblo di Aruba tin mester di ayudo”.

SOSTENE ACCION DI GOBIERNO

E Asociacion di Comerciante Chines ta lamenta cu e acto di e poco comerciantenan aki a causa hopi descontento y tension den e comunidad di Aruba. Nos di Asociacion Chines ta di acuerdo cu e accion di control tuma door di Gobierno di Aruba pa resolve e situacion causa door di actonan incorecto di poco comerciante.

Den e temporada nos dilanti nos tin cu uni, traha duro y sostene otro pa por combati e virus COVID-19. E comunidad Chines ta forma parti di pais Aruba y lo tey pa sostene e Pueblo.

Banda di esaki nan a ripara ariba social media (Facebook) den e weekend recien cu hopi hende a post  hopi comentario negativo dirigi na chinesnan en general.

NO GENERALIZA

“Nos ta compronde cu e situation a causa tension den comunidad di Aruba, pero ta urgi pa no generaliza tur hende den e manera baho cu a haci ultimo ariba media. Pa nos por crea un solo comunidad uni na Aruba, mester elimina negativismo poco y uni pueblo di Aruba y comunidad Chines di Aruba. Comunicacion ta importante.

Chinese Business Association of Aruba a duna di conoce cu nan lo ta masha agradecido si tin casonan di denuncia pa situacionnan robez cu por sigui sosode pa contact nan pa medio di nan Facebook Page: Chinese Club of Aruba.

BOTTOM LINE

E meta principal di e Asociacion di Comerciante Chines ta pa comercio traha hunto cu Gobierno di Aruba y otro stakeholders manera e wholesalers y pueblo di Aruba como consumidor pa por bringa e crisis aki.

Esey ta e mensahe cu nan kier a trece dilanti y pa e tikinan cu ta purba di haci cos malo, pa nan sa cu nan ta conoci, y cu lo tin e manera pa deal cu nan, asina nan a expresa den nan declaracion na DIARIO.

 

- Advertisement -

DUNA COMENTARIO

Please enter your comment!
Please enter your name here