Home Cultura Aruba a haya un buki di puzzle di “Conoce Bo Isla”

Aruba a haya un buki di puzzle di “Conoce Bo Isla”

43
0
SHARE
- Advertisement -

ORANJESTAD (AAN): Tabata Diabierna atardi na Biblioteca Nacional, cu un buki nobo a wordo lanza oficialmente.  Por a mira presencia di Ministro di Enseñanza Dr. Rudy Lampe, y tambe Parlamentario Tevreden y Parlamentario Tromp-Lee.

Ludwina “Dina” Maria a lanza su serie di buki di puzzle “Conoce Bo Isla”.  E prome di e serie ta ‘Nos Bario y Cayanan’.

E idea di bin cu e buki di puzzle estilo Busca Palabra, ta cu na Aruba tin scarcedad di haya puzzle den nos idioma.  Semper ta haya na Ingles, Hulandes, y Spaño.  Pesey e ta hopi contento di a bin cune pa asina complace comunidad cu esaki.

Dina a relata na DIARIO, cu como 40 aña pasa el a bin cu e idea di saca un buki asina.  E ultimo 2 aña el a traha mas intensivo riba e plan pa realiza esaki.

Segun Dina, e buki ta pa siña nos pueblo mas di nos pais.  Nos tur ta core rond di Aruba, pasa den tur e cayanan, pero hopi no ta busca pa sa di unda e nomber di e caya ta bin, y ni pakico el a haya e nomber.  Esey ta loke e prome serie di buki ta ilustra, esta e “pakico” y “di con”, pa asina haya sa e origen di e caya.

Por ehemplo no ta tur hende sa cu Caya Ing. Roland Laclé tabata antes gewoon Hospitaalstraat, pasobra Hospital tabata eynan.

Dina ta sigur cu e buki aki lo inspira hendenan pa busca pa haya sa mas di e cayanan.

Su buki lo bay ta obtenible na tur libreria y na un prijs hopi atractivo.

El a splica cu e cu su sobrina a traha hopi riba e bukinan aki, y pesey di curazon e ta gradici e sobrina Rachelle.  Toch tin varios hende mas cu a yuda traha mas riba esaki, incluyendo e team cu a yuda setup e anochi di lanzamento.

Na final, Dina Maria a manda un mensahe pa pueblo!  E ta apoya publico pa sigui busca mas pa conoce nos pais, pasobra turistanan ta bin y nan ta conoce nos pais mihor cu nos mes!

- Advertisement -

DUNA COMENTARIO

Please enter your comment!
Please enter your name here