Home General Algun miembro di prensa a grita y insulta Minister Presidente dilanti di...

Algun miembro di prensa a grita y insulta Minister Presidente dilanti di Bestuurskantoor

9396
3
SHARE
- Advertisement -
  • Diasabra anochi despues di conferencia di prensa

ORANJESTAD (AAN):  Despues di conferencia di prensa di Minister Presidente diasabra anochi, algun miembro di prensa a causa un incidente cu Minister Presidente Evelyn Wever -Croes dilanti di Bestuurskantoor.

Mientras Minister Presidente tabata duna conferencia di prensa y contesta pregunta, algun miembro di prensa cu ta protestando relaciona cu e toque de queda a aglomera y tabata haci desordo y stroba e conferencia di prensa.

Nan kier a entrega Minister Presidente un carta den cual nan ta informa Gobierno cu nan lo no participa na ningun conferencia di prensa mas di Gobierno. 

Minister Presidente a sali pa acepta e carta y Sharina Henriquez di Caribisch Netwerk a informa Minister Presidente cu prensa lo sali riba caya toch durante e toque de queda.

Minister Presidente a expresa su desapunto den e miembronan ey y a recorda prensa cu tin 8 caso caba confirma na Aruba y prensa mas cu tur hende sa cuanto dolor y sufrimento e virus aki a causa den exterior.

Despues Minister Presidente a bisa nan cu e ta cansa y lo no sigui papia e momento ey. A palabra cu lo reuni diadomingo.

Loque tabata mas lamentable ta cu momento cu Minister Presidente a bira su lomba, prensa a cuminsa grita y insulta Minister Presidente.

Gobierno di Aruba ta lamenta e actitud aki di prensa y ta bolbe haci un apelacion na henter comunidad, tambe na prensa, pa coopera.

- Advertisement -

3 COMMENTS

  1. Mi tin hopi duele nami curazon pa tur loque prensa ta haci eta mustra algo plania,pone boso man na boso curazon mundo ta den un duele hopi hende ta muriendo,pa boso bin haci politica,bo kier mi bisabo ki boso plan ta pa sali riba caya awe nochi anto ora noso wordo deteni pa boso bonboshi,mala mucha nan,…..

  2. Ta djis pa hitsup e pueblo. Stop di ta marcria y soberbe. Of pa straf pone nan hunto cu esun cu ta malo.

  3. Ta hopi tristo cu bo ta lesa cos asina pone man na boso curason y fula e dolor di 5000 Italiano y di 3200 chinees
    2100 spano caba y di tanto hendenan cu ya a muri na mundo y cuanto mas ta grave etc etc,Y falta respet pa promer mandatario y hunga politica cu otro net AWOR bosonan mester uni cu otro y Resa pidi NOS SENOR pa e cuida nos tur sea Arubano of di cual pais di mundo cu bo ta sea cual religion y sea cual partido politico bo ta,awor aki ta toca nos pa sucha nos mandatarionan y nos expertonan.Y Docters nan.Tin na cierto parti di mundo cu bo no mag ni di sali pafor di bo mes un cas,y ta sigiendo na differente pais na mundo caba,tur cos cu nos Promer minister ta haciendo awor ta pa bienestar di tur persona cu ta biba y stima e baranca cu nos ta lama ARUBA.Ban pidi nos tata poderoso pa yuda y giia nos tur den e tempo dificil awor aki.Amen.

DUNA COMENTARIO

Please enter your comment!
Please enter your name here