Home General Aerolineanan a limita benta di pasashi door di Coronavirus

Aerolineanan a limita benta di pasashi door di Coronavirus

626
0
SHARE
- Advertisement -

*Ta reduciendo cantidad di vuelo y re-acomodando itinerarionan

ORANJESTAD (AAN):  E ultimo informe cu DIARIO a haya dialuna atardi relaciona cu algun aerolinea na Aruba ta cu AVIANCA a limita e acceso na compras via di nan sistema. Pero cu tin confirmacion cu tur e vuelonan a wordo cancela pa Aruba esey parce no ta e caso te cu awor.

Tambe DIARIO a haya sa cu agencianan di viahe na Aruba a haya un mensahe di AVIANCA na Aruba indicando cu tin vuelonan cu no ta aparece mas ariba nan sistema, pero esey ta pasando cu hopi aerolinea.

Parce cu e idea pa aworaki no ta pa bende mas pasashi pero opera cu locual tin bendi y resolve e asunto di cambionan den itinerario. Tur esaki tambe tin di haber cu e ciere di frontera na varios pais door di e virus COVID-19.

AVIANCA mes riba nan Facebook Page a duna di conoce dialuna atardi  cu nan prioridad aworaki ta atende cu e vuelonan cu ta tuma lugar den e proximo 72 oranan pa medio di nan call center.

E clientenan cu ta desea di haci cambio den nan vuelo por hacie via nan agencia di viahe of online.

For di representantenan di Aeropuerto Reina Beatrix, DIARIO a haya sa tambe cu e vuelonan di mañan di AVIANCA ta cancela pero pa loke ta e otro dianan no tin confirmacion te ainda. Di parti di AVIANCA no a sali ningun informacion oficial al respecto.

Otro informacion cu a bin dilanti ta cu jetBlue lo ta cancelando nan operacion entrante diaranzon 18 di Maart te cu 31 di Maart proximo.

E informacion aki cu DIARIO ta compila no ta oficial, pero si ta datonan for di fuentenan na altura.

Kiermen, keda pendiente pa mas actualizacion pero relacion cu situacionnan specifico ta recomendabel pa cada viahero comunica cu nan agencia of aerolinea.

 

- Advertisement -

DUNA COMENTARIO

Please enter your comment!
Please enter your name here