Home Parlamento Tin hopi keho di comerciantenan chikito cu no por habri nan negoshi...

Tin hopi keho di comerciantenan chikito cu no por habri nan negoshi pa motibo di burocracia

792
0
SHARE
- Advertisement -

Parlamentario Rocco Tjon

ORANJESTAD (AAN):  Parlamentario Rocco Tjon a duna di conoce den conferencia di prensa cu a haya hopi keho di comerciantenan chikito, young entrepreneurs cu kier bay habri un negoshi, pero pa nan por logra esaki nan ta wordo confronta cu masha hopi contratiempo.

Tjon ta kere cu mester atende cu e situacion aki debidamente y a corto plazo. No por ta asina cu e proceso ta bay tarda prome cu yega na un solucion pa e comerciante  chikito.

A bisa cu den e programa di Gobernacion di Gabinete Wever – Croes ta bisa cu gobierno lo aumenta e efectividad y eficiencia pa loke ta e tardanza innecesario den e proceso di otorgamento pa obtene un permiso.

E parlamentario ta referi na permisonan cu e comerciante tin mester ora cu e habri un negoshi manera un restaurant, un bar, entre otro. Akinan ta papia di cupo di trabao y esey ta hopi importante.

El a agrega cu no por ta asina cu e ta bira un caminda di cruz pa e comerciante. Ta hayando masha hopi yamada, a reitera, di personanan cu polis ta pasa keur nan lugar, pero ainda falta Brandweer of net pa robez, pero papelnan ta pega na Departamento di Salud of otro departamento.

Segun Tjon no por keda depende di un instancia so of di un ambtenaar so pa haya e permiso. Tin comerciantenan chikito cu te hasta ta pagano huur pa tres of cuatro luna pero nan no por habri nan lugar ainda pa motibo di falta di coordinacion entre e departamentonan.

El a indica cu su colega Endy Croes ya caba a haci esaki un punto di atencion di e ministernan en cuestion. Esun responsabel na final ta Minister di Salubridad.

Mirando e vision di gobierno pa inverti mas den innovacion pa crea un plataforma digital caminda online por aplica cu tur e documentonan necesario pa e permiso. Asina lo brinda un mihor servicio na e comerciante chikito cual na final di dia ta stimula e economia.

Rocco Tjon a indica cu esaki ta un peticion specifico cu ya caba a bay pa e minister en cuestion pa asina yega na un solucion na corto plazo pa e molester aki cu hopi comerciante chikito ta pasando aden.

 

- Advertisement -

DUNA COMENTARIO

Please enter your comment!
Please enter your name here