Home General Scarsedad mundial lo afecta Aruba tambe

Scarsedad mundial lo afecta Aruba tambe

46
0
SHARE
- Advertisement -

Capitalista y comunista na careda den caida petrolero y economia 

  • Balor di negoshinan mundial ta baha pero prijs ta subi
  • Schrikkeljaar 2020 cu caos total pa economia mundial 

ORANJESTAD(AAN)– For di algun siman pasa, DIARIO a anuncia cu e situacion mundial cu e coronavirus nobo a produci, tin como resultado cu un caos total lo manda prijsnan halto y cu Aruba tambe lo wordo afecta.

Te na ultimo momento prome cu cera edicion di awe, DIARIO a keda den contacto cu expertonan cu atrobe a yuda e matutino di Aruba, splica pueblo kico por spera di e problemanan serio cu e coronavirus nobo ta nifica pa mundo.

Incertidumbre y contradiccion grandi ta loke ta presenta nan mes actualmente na mundo cu tin problema pa defini den cual direccion e mester core.

Un cos tabata sigur ayera, cu paisnan comunista ta tembla hunto cu paisnan ta wordo considera capitalista.

Informacionnan a indica cu Rusia hasta por kibra su lasonan cu OPEC pa motibo di e caida total di industria petrolero cu mester baha su produccion considerablemente debi na e reservanan grandi cu e no ta capaz di bende na e momento aki.

Paisnan capitalista (realmente paisnan cu un gobierno democratico) ta confronta e problema cu tambe ta suta paisnan comunista. Placa ta wordo perdi riba tereno internacional cu negoshinan mundial den caida.

Produccion mundial a paralisa y mientras e negoshinan (comunista y capitalista) ta perde placa, di otro banda prijsnan ta subi pasobra cantidad di producto no ta wordo produci.

Expertonan a enfatisa ayera cu Aruba awor sigur mester prepara pa scarsedad di productonan cu mundialmente no ta obtenibel na varios pais, cu mester cambia di compania di entrada, cu tambe ta den problema pasobra no tin produccion.

Ta trata aki di productonan cu ta afecta bida diario directamente manera piesanan pa vehiculonan, pa ekipo, pa aparatonan cu ta bay subi den prijs.

DIARIO for di e prome momento a splica cu cadenanan internacional cu tin establecimento na Aruba tambe, a cera nan portanan na China. Awor riba mercado internacional balor di negoshinan ta cay, prijs di petroleo ta cay pero dor di scarsedad prijsnan pa consumidor lo aumenta.

DIARIO lo sigui vigila tur desaroyo pa informa Aruba debidamente mientras schrikkeljaar 2020 ta yega na su culminacion riba Diasabra 29 di Februari, cu ta topa mundo den un situacion caotico cu ta stroba y kibra planificacion y mester wordo sigui continuamente.

- Advertisement -

DUNA COMENTARIO

Please enter your comment!
Please enter your name here