Home Parlamento Rapport a mustra cu a gasta 4.5 miyon pa construi Carnival Village...

Rapport a mustra cu a gasta 4.5 miyon pa construi Carnival Village y a lage na mitar

804
0
SHARE
- Advertisement -

Durante Gobierno anterior

ORANJESTAD (AAN): Tur wowo ta riba e resultado di un rapport cu a sali, y ta pinta un imagen espantoso di e forma con Gobierno di AVP for di aña 2010 te cu 2016 a traha riba 241 proyecto, y e costo di esaki a yega na 1.6 biyon Florin.  Y esey ta placa cu Aruba no tin.

Contraloria General di Aruba a emiti e “Rapport BO Aruba” cu a haci un investigacion riba e forma cu den e seis añanan ey a crea 241 proyecto sin cu nan tin cobertura, cu riesgo negativo, y sin cu a check e consecuencianan financiero pa Aruba.

Diaranson mainta tabatin un reunion den Parlamento pa asina trata e seriedad di e rapport aki, y e puntonan asombroso cu a ser descubri aden.

Parlamentario Hendrik Tevreden di MEP, a splica cu el a check varios punto den e rapport, y e ta topa cu algun proyecto cu sigur loke a ser ehecuta, y e prijs paga pe, no ta cuadra.

Usando bo sentido comun, e no ta cuadra!  E ta menciona e.o. e gasto cu Gobierno di AVP a pone pa construi Aruba Carnival & Entertainment Village na San Nicolas.  A paga un total di 4.5 miyon Florin.

Pero kico esey a encera?  Pa e 4.5 miyon Florin ey, a djis basha algun cura bieu di Lago abao, a pone un heki rond di e tereno, a yena e lugar cu klinker, y a keda cla.  Nada mas AVP a haci, ni un escenario a ser traha.  Ta cu trailer mester a bin cu ta habri y converti su mes den un stage temporal e tempo aya.

GOBIERNO NOBO A FINALIZA:

Pa 4.5 miyon a djis haya un cura y klinker, nada mas.

Parlamentario Hendrik Tevreden a splica cu ta ora cu Gobierno Wever-Croes a sinta, e ora numa a finaliza e proyecto, pues traha su entrada, traha lugar pa cobra pa entrada, etc.

Pues e 4.5 miyon Florin di AVP, tabata algo cu a laga e proyecto na mitar.

E Parlamentario a cuestiona si acaso aki placa a desaparece misteriosamente of no.  Pero e ta kere cu esey ta algo cu AVP semper ta conoci pe.

 

- Advertisement -

DUNA COMENTARIO

Please enter your comment!
Please enter your name here