Home Cultura Publico a keda impresiona cu exposicion di Kees Tabak

Publico a keda impresiona cu exposicion di Kees Tabak

154
0
SHARE
- Advertisement -

ORANJESTAD(AAN): Diahuebs anochi a tuma lugar e prome exposicion di 2020 den Cas di Cultura Sala UNOCA.

Ta trata di un exposicion di fotografo Kees Tabak, un fotografo Hulandes hopi renombra.

Riba e anochi director di Departamento di Cultura di Aruba (DCA) Siegfried Dumfries a trece dilanti cu hopi biaha na Aruba cultura ta wordo mira den e parti folklorico so y DCA kier enfatiza cu cultura ta hopi mas amplio, unda cu tur expresion humano ta parti di cultura.

“Pesey fotografia ta parti di cultura y di arte y pa nos ta hopi importante pa tin e plataforma aki, pa trece fotografia riba e nivel aki pa pueblo di Aruba”, segun Dumfries.

Tabak mes a hiba palabra tambe y el a gradici tur hende cu a yude y ken a permitie pa saca potret di nan.

El a gradici tambe esnan cu a trece den contacto cu e director di DCA, pa e por a haci e exposicion.

“Nan ta yama Aruba One Happy Island y mi ta wak esaki di berdad, den e hecho cu Aruba ta un bon ehempel unda cu hendenan cu un background cultural ta biba den harmonia, ta mezcla cu otro y ta stima otro”.

“Esey naturalmente mi a purba di ilustra riba e potretnan”, segun Tabak.

- Advertisement -

DUNA COMENTARIO

Please enter your comment!
Please enter your name here