Home Parlamento No obstante AVP a laga e isla sin placa toch tin deseo...

No obstante AVP a laga e isla sin placa toch tin deseo pa fondonan sigui yuda drecha careteranan

31
0
SHARE
- Advertisement -

ORANJESTAD (AAN): Tur wowo ta riba e resultado di un rapport cu a sali, y ta pinta un imagen espantoso di e forma con Gobierno di AVP for di aña 2010 te cu 2016 a traha riba 241 proyecto, y e costo di esaki a yega na 1.6 biyon Florin.  Y esey ta placa cu Aruba no tin.

Contraloria General di Aruba a emiti e “Rapport BO Aruba” cu a haci un investigacion riba e forma cu den e seis añanan ey a crea 241 proyecto sin cu nan tin cobertura, cu riesgo negativo, y sin cu a check e consecuencianan financiero pa Aruba.

Diaranson mainta tabatin un reunion den Parlamento pa asina trata e seriedad di e rapport aki, y e puntonan asombroso cu a ser descubri aden.

Parlamentario Alan Howell di POR, ta lamenta con Gobierno anterior a gasta placa di e forma ey.  Pero pa awor, e kier check y spera cu por yuda pueblo y principalmente chauffeurnan sinti tiki alivio.

Den su discurso el a mustra cu e kier sa con a para cu e Wegenfonds cu aña pasa den un mocion di POR, y aproba den Parlamento, con ta para cu e fondo aki.  Den e mocion a aproba algun miyon, y mester di e fondo pa sigui haci e bon trabao di careteranan.

Howell a splica cu den reunion di 28 Augustus 2019, a aproba e mocion cu ta urgi pa instrui fondo Wegen en Infrastructuur fonds pa sigura fondo structural pa construccion y mantencion di careteranan di Aruba.

Pesey den su ronda di pregunta, el a pidi Ministro si e por duna splicacion di esey.  Tambe e kier sa con a para cu e introduccion y construccion di diferente Verkeersplateau.  El a splica cu te cu recien tabatin un maneho formidable cu DOW cu prioridad pa pone nan banda di areanan di Scol, pa asina forza chauffeurnan reduci velocidad.

Pero awor e Parlamentario kier wak si e instalacion di Verkeersplateau aki lo sigui haya atencion den barionan tambe.

- Advertisement -

DUNA COMENTARIO

Please enter your comment!
Please enter your name here