Home General Nan a confisca 8.300 remedi falso na Caracas

Nan a confisca 8.300 remedi falso na Caracas

122
0
SHARE
- Advertisement -

ORANJESTAD (AAN): Un suplica urgente na esnan cu keto bay ta usa Vraag & Aanbod de vez en cuando pa ofrece remedi cu hendenan ta logra drenta Aruba cune for di Venezuela.

E chens ta grandi cu loke bo ta cumpra na prijs abao, ta contene nada di medicina aden.

Esey por conclui tambe den un caso grandi di aresto cu a socede e siman aki na Caracas, Venezuela.  Nan a logra confisca como 8.300 remedi cu ta falso.

Director general nacional di CICPC a revela esaki durante un conferencia di prensa.

Den e razzia aki nan a detene e muher Nubia de las Mercedes Florez Arrieta di 69 aña naci na Colombia, como tambe Jessica Santa Maria Rodriguez Lucena di 25 aña naci na Venezuela.

Nan dos tabata bende remedi y productonan di vitamina, usando componentenan activo cu ta dunabo ningun beneficio na salud.

Mayoria di nan ta remedi falso, y esey a haya sa ora di a haci analisis den laboratorio.

Uno di e remedinan ta bisa cu e ta contene hormona di crecimento, pero laboratorio a determina cu ta djis azeta vegetal e tin aden, y e por trece como consecuencia daño irreversible na salud di e ser humano cu consumi nan, manera bo bista, riñon, higra, y stoma, ora bo tuma un substancia cu no ta apto, y mucho menos inyectable via adernan.

 

- Advertisement -

DUNA COMENTARIO

Please enter your comment!
Please enter your name here